युगान्डासँग नेपालको दोस्रो हार
युगान्डाले नेपाली महिला क्रिकेट टोलीलाई दोस्रो टी–२० अन्तर्राष्ट्रिय खेलमा १ विकेटले पराजित गरेको छ । युगान्डाले १ सय २ रनको लक्ष्य १ बल अगाडि पूरा गरेको थियो ।
२ बलमा विजयका लागि १ रन बनाउनु पर्ने अवस्थामा कविता कुँवरको बलमा सराह एकिटेङले विजयी रन प्रहार गरेकी थिइन् । रिता मुसामालीले ३४ बलमा ३ चौका प्रहार गरी ३० रन प्रहार गरे । फ्रान्क्लिन नाजुम्बाले १९ र जेनेट एमबाबाजी १६ रन बनाए ।
नेपालबाट कविता कुँवर र सबनम राईले २–२ तथा कप्तान रुविना क्षेत्री र सीता रानामगरले १–१ विकेट लिए । युगान्डाले टस जितेपछि ब्याटिङमा आएको नेपालले निर्धारित २० ओभरमा ७ विकेट गुमाई १ सय १ रनमात्र बनाउन सकेको थियो ।
यो पनि
पहिलो टी–२० मा जिम्बावे ‘ए’ ले नेपाललाई हरायो
रियल मड्रिडलाई ला लिगाको उपाधि
