युद्धमा रूसले के-के गुमायो ? [विवरण]
युक्रेन हमलामा रूसले १९ हजार ५ सय रूसी सेना गुमाएको युक्रेनले दाबी गरेको छ । २४ फेब्रुवरीदेखि सुरु भएको हमलामा ठूलो संख्यामा रूसी सेना मारिएको युक्रेनको सेनाले दाबी गरेको छ ।
रूसले ७२५ ट्यांक, १९२३ बख्तरबन्द, १५४ विमान र १३७ हेलिकप्टरहरू गुमाएको सशस्त्र बलका जनरल स्टाफले फेसबुकमा लेखेका छन् । यसअघि अमेरिकी नेतृत्वको सैन्य संगठन नेटोले युक्रेनमा रूसले १५ हजार सैनिक गुमाएको दाबी गरेको थियो ।
त्यस्तै, युक्रेनी राष्ट्रपति भोलोदिमिर जेलेन्स्कीले रूसी हमलामा १७९३ सर्वसाधारण मारिएको र २४३९ जना घाइते भएको बताएका छन् । यसैबीच राष्ट्रपति जेलेन्स्कीले रूसले अर्को आक्रमणका लागि दशौँ हजार सैनिकहरू केन्द्रित गरिरहेको बताएका छन् ।
रूसले अब युक्रेनको पूर्वी क्षेत्रमा आफ्नो आक्रमण केन्द्रित गरिरहेको सैन्य विश्लेषकहरूको भनाइ छ । रूसले पनि युक्रेनका प्रमुख शहरहरूबाट आफ्ना सेना फिर्ता गरेको छ । मुख्य शहरबाट सेना फर्किरहेका बेला त्यहाँ ठूलो संख्यामा सर्वसाधारण मारिएका विवरण सार्वजनिक भएका छन् ।
एक साताअघि बुचा शहरमा पाशविक ढंगले मारिएका सर्वासाधारणहरूको शव सार्वजनिक भएको थियो । तर ती हत्यामा आफ्नो संलग्नता नरहेको रूसी सेनाले दाबी गर्दै आएको छ ।
यो पनि….
युक्रेनलाई हतियार सहयोग गर्दै यी देश
किभ नजिकैको गाउँमा दर्जनौँ शव फेला
युक्रेनले गर्यो आफ्ना नागरिकलाई यस्तो आग्रह
