‘केजीएफ-२’ : क्लाइमेक्समै २५ करोड खर्च
दक्षिण भारतीय (साउथ) को चर्चित फिल्म ‘केजीएफ च्याप्टर १’ को सफलतापछि दर्शक यस फिल्मको दोस्रो भाग ‘केजीएफ च्याप्टर २’ को पर्खाइमा छन् । निर्माण युनिटले भर्खर फिल्मको ट्रेलर सार्वजनिक गरेको थियो । जसले निकै सकारात्मक प्रतिक्रिया पाइरहेको छ ।
निर्माताले पहिलो भागको तुलनामा यो अझै सफल बनाउन धेरै लगानी गरेका छन् । १०० करोडमा निर्माण भएको फिल्ममा निर्माताले क्लाइमेक्स दृश्यका लागि मात्र २५ करोड खर्च गरेका छन् । फिल्मसँग नजिक व्यक्ति भन्छन् ‘फिल्मको च्याप्टर १ को सफलतापछि जसरी दर्शकको जिज्ञासा बढेको छ ।
फिल्ममा रकीको चरित्र छ । जुन च्याप्टर १ मा अभिनेता यश देखिएका थिए । यो पात्र निकै लोकप्रिय भएको थियो । च्याप्टर २ मा रकी र खलनायक अधेरा (संजय दत्त)को पत्रलाई निकै सशक्त ढंगले निर्माण पक्षले प्रस्तुत गरेको बताइन्छ । फिल्मको अन्तिम २० मिनेट (क्लाइमेक्स) का लागि मात्र २५ करोड खर्च गरिएको छ । हैदरावादमा खिचिएको उक्त दृश्यका लागि ७ दिन लागेको थियो ।
जसमा ५०० जुनियर कलाकार समेत प्रयोग गरिएको थियो । फिल्ममा संजय र यशको अलवा रविना टण्डनको समेत मुख्य भूमिका रहेको फिल्मले ओपनिङ ब्यवसाय संसारभर राम्रो गर्ने अपेक्षा फिल्मकर्मीको छ । ‘केजीएफ च्याप्टर २’ हिन्दी, तेलगू, तमिल र मलायालम भाषामा डब गरिएको छ ।
फिल्म १४ अप्रिलमा रिलिज हुँदैछ ।
यो पनि
गुदी नभेटिएपछि नेपाली फिल्मबाट टाढिदैछन् दर्शक
नेपाली फिल्मले दर्शकलाई हलसम्म डोर्याउन किन सकेन ?
