ब्रोकर डेटा सेन्टरको गडबडीले सेयर कारोबारमा असर

ब्रोकरहरूको डेटा सेन्टरमा गडबडी आएपछि आजको सेयर कारोबारमा त्यसको प्रभाव परेको छ। डेटा सेन्टरको समस्याका कारण नेपाल स्टक एक्सचेन्जले केही समयका लागि सेयर कारोबार रोक्नुपरेको थियो ।

दिउँसो १२ बजेर ५३ मिनेटपछि समस्या देखिएको थियो । सोही कारण आजको सेयर कारोबारमा यसको असर देखिएको छ। नेप्सेका अनुसार आज डेढ अर्बको पनि कारोबार भएको छैन। २२० सेयर कारोबारमा सामेल भएकामा २३ लाख ४९ हजार कित्ता मात्रै बिक्री भएको हो । प्राविधिक कारणले डेटा सेन्टरमा गडबडी आएको नेप्सेले जनाएको छ। यसले आज १८ हजार ५ सय ९७ पटक मात्रै कारोबार भएको थियो।

सोसँगै आज १ अर्ब ३४ करोड २२ लाख ३२ हजार रुपैयाँको सेयर खरिद-बिक्री भएको छ। यो लामो समययता एकदमै न्यून कारोबार रकम हो। आज १३ मध्ये वाणिज्य बैंक, विकास बैंक, अन्य, माइक्रोफाइनान्स, जीवन बीमा, निर्जीवन बीमाको सूचक हरियो भए पनि बाँकी सूचक राताम्य छन्।

थोरै समय कारोबार भएको दिन आज लगानीकर्ताले ६.१० प्रतिशतसम्म कमाएका छन् । गुमाउने लगानीकर्ताले पनि आज ५.७३ प्रतिशतसम्म गुमाएका छन्। आज अधिकतम कारोबार ६ करोड ६५ लाखको मात्रै भएको छ।

यो पनि…
सेयर बजारमा ६३ अंकको पहिरो
नेप्सेमा ४३ अंकको गिरावट, कारोबार साढे ३ अर्बमा सीमित