यस्तो बन्नेछ ‘पुष्पा’को सिक्वेल
अल्लु अर्जुन र रश्मिका मन्दाको सुपरहिट फिल्म ‘पुष्पाः द राइज’को सफलतापछि निर्माताहरू यसको सिक्वेलको तयारीमा जुटेका छन् ।
फिल्मका निर्माताहरू स्क्रिप्टमा केही परिवर्तन गर्ने कोशिस गरिरहेका छन् । उनीहरूले उत्तर भारतीय दर्शकमा आफ्नो प्रभाव बढी पार्नका लागि निर्माताले स्क्रिप्ट परिवर्तनको प्रयास गरेका हुन् ।
समाचारअनुसार निर्देशक सुकुमार पहिला ‘पुष्पा’लाई दुई भागमा बनाउने योजनामा थिए । तर, पछि ‘पुष्पाः द राइज’ र ‘पुष्पाः द रुल’को रूपमा प्रस्तुत गर्न स्क्रिप्टमा कैयौं परिवर्तन गरे ।
अहिले उनले ‘पुष्पाः द रुल’का लागि स्क्रिप्टमा केही परिवर्तन गरिरहेका छन् । दर्शकमाझ आफ्नो प्रभाव छोड्नका लागि सिक्वेलको कथामा केही ट्विस्ट ल्याउँदैछन् ।
अल्लु, सुकुमार र उनको टिमले ‘पुष्पा २’ को सुटिङ सुरु गर्नका लागि तयारी थालेका छन् । फिल्मको दोस्रो भागमा अल्लुलाई एक झगडालु व्यक्तिको रूपमा प्रस्तुत गरिनेछ ।
यो पनि
‘बच्चन पाण्डे’का लागि मुम्बईमा ट्रक चलाउँदै अक्षय कुमार
‘पुष्पाः द राइज’को हिन्दी भर्सनमा रहेको आवाजको चर्चा, कसको थियो स्वर ?
