१२ हजार रूसी सैनिकको मृत्यु भएको जेलेन्स्कीको दाबी
युक्रेनका राष्ट्रपति भोलोदिमिर जेलेन्स्कीले रूसले युक्रेनमाथि आक्रमण गरेपछि अहिलेसम्म १,३०० युक्रेनी सैनिक र झन्डै १२,००० रूसी सैनिकको मृत्यु भएको दाबी गरेका छन् ।
पत्रकार सम्मेलनमा बोल्दै उनले शुक्रबारसम्म झन्डै ५०० देखि ६०० रूसी सैनिकले युक्रेनमा आत्मसमर्पण गरेको बताएका छन् । बीबीसीका अनुसार जेलेन्स्कीले युद्धमा ज्यान गुमाउने रूसी सैनिकको संख्या ठूलो भएको भए पनि आफू त्यसप्रति खुसी नभएको बताए ।
‘उनीहरूले ‘अनुमानित’ १२,००० जना गुमाउँदा मलाई प्रसन्नता छैन, यसले मलाई खुसी बनाउँदैन । संसारलाई हेर्ने मेरो दृष्टिकोण त्यस्तो छैन,’ उनले भने ।
रूसले युक्रेनमा आक्रमण गरेको १७ दिन भइसकेको छ । अठारौँ दिन बिहान विभिन्न शहरहरूमा विस्फोटन भइरहेको विवरण प्राप्त भएको छ ।
यो पनि…
रूसी सेनाको हमलामा पत्रकार मारिए
रूस–युक्रन द्वन्द्व : आमालाई औषधि किन्न जाँदा…
