स्थानीय निर्वाचनमा एकलाख म्यादी प्रहरी खटिने

अर्थ मन्त्रालयले स्थानीय तहको निर्वाचनका लागि एकलाख म्यादी प्रहरी भर्ना गर्न स्वीकृति दिएको छ । आगामी ३० वैशाखमा स्थानीय तहको निर्वाचतको मिति तोकिएको छ । यसका लागि सुरक्षामा खटिने एकलाख म्यादी प्रहरी भर्ना गर्न अर्थ मन्त्रालयले नेपाल प्रहरीलाई स्वीकृति दिएको हो ।

‘स्थानीय तह निर्वाचनका लागि एकलाख म्यादी प्रहरी भर्ना गर्न अर्थ मन्त्रालयले स्वीकृति दिइसकेको छ,’ प्रहरी प्रवक्ता प्रहरी वरिष्ठ उपरीक्षक विष्णुकुमार केसीले भने । अर्थ मन्त्रालयले एकलाख म्यादी प्रहरीको स्वीकृति दिएकाले सोही संख्यामा म्यादी प्रहरी निर्वाचनमा खटिने केसीको भनाइ छ ।

म्यादीबारे सूचना एक साताभित्रमा सार्वजनिक गर्ने तयारी भइरहेको उनले बताए । ‘यसका लागि आन्तरिक रूपमा तयारी भइरहेको र एक साताभित्रमा सूचना सार्वजनिक गर्छौं,’ उनले भने । नेपाल प्रहरीले निर्वाचनका लागि एकलाख १८ हजार म्यादी प्रहरी मागेको थियो ।

यो पनि…
गठबन्धनको भविष्य चुनावमा निर्भर
मतपत्रमा चुनाव चिह्न : आयोगको निर्णयमा आपत्ति