अमेरिकामा गर्मीको १११ वर्षे रेकर्ड ब्रेक
अमेरिकामा १२२ वर्षको रेकर्ड बर्फबारीको ५५ दिनपछि गर्मीले १११ वर्षको रेकर्ड तोडेको छ । त्यहाँको तापक्रम ३३ डिग्री सेल्सियससम्म पुगेको छ । तीव्र गतिले बढेको यो गर्मीको कारण मानिसहरु समुन्द्रको तटमा जान थालेका छन् ।
मौसम विभागका अनुसार अमेरिकामा मार्च अप्रिलमा तापक्रम २२ देखि २५ डिग्रीको बीचमा रहन्छ । तर यस वर्ष यो ३३ डिग्रीसम्म पुगेको छ ।
यो गत वर्षको तुलनामा ७ ८ डिग्रीले धेरै हो । स्यान डिएगोस्थित वेदर सर्भिसका मौसम विज्ञानी मार्क मीडेले यस वर्षको गर्मीमा बर्फबारी भएको तर छिटै सकिएको बताए । जसका कारण नै अमेरिका र यूरोपमा हिटवेब चल्न थालेको हो । मीडका अनुसार बुधवार स्यान डिएगोको तापक्रम ३२.७ डिग्री रहेको थियो । यो भन्दा पहिला त्यहाँ १९१० मा ३१ डिग्री तापक्रम दर्ता भएको थियो । ५ फेब्रुअरीमा अमेरिकामा ५ फीटसम्मको बफैबारी भएको थियो ।
जर्मनी नेदरल्याण्ड्स, फ्रान्स र बेलायतमा मार्चमा सबैभन्दा गर्मी
जर्मनी नेदरल्याण्ड्स, फ्रान्स र बेलायतमा यस वर्ष समय भन्दा पहिल्यै गर्मी लागेको थियो । बुधवार नेदरल्याण्ड्समा २७.२, जर्मनीमा २६, बेलायतमा २५ र फ्रान्समा २६ डिग्री तापक्रम रहेको थियो ।
