सचिन तेन्दुलकर अस्पताल भर्ना, लेखे यस्तो ‘स्टाटस’
भारतीय पूर्व क्रिकेटर सचिन तेन्दुलकर अस्पताल भर्ना भएका छन् । ५ दिन पहिला उनलाई कोरोना पोजेटिभ देखिएको थियो । त्यसपछि उनी घरमै आइसोलेसनमा बसेका थिए । तर अब उनलाई डाक्रले अस्पतालमा भर्ना गरेका छन् । सचिनले सोसल मिडियामा यसको जानकारी दिएका हुन् । उनको परिवारका अन्य सदस्यको भने कोरोना रिपोर्ट नेगेटिभ आएको छ ।
उनले फ्यान्सलाई प्रार्थनाको लागि धन्यवाद दिएका छन् । उनले लेखेका छन्, ‘प्रार्थनाको लागि धन्यवाद, मेडिकल एडभाइसको सल्लाहपछि अस्पतालमा भर्ना गरिएको छ, मलाई आश छ कि, म केही दिनमा घर फर्किनेछु, आफ्नो ख्याल गर्दै सुरक्षित रहनुहोस् ।’
