नेपालगञ्ज र दाङमा खुले गल्फ लुब्रिकेन्टका नयाँ शोरुम
नेपाल ल्युब आयल लिमिटेडले नेपालगन्ज र दाङमा नयाँ शोरुम सञ्चालनमा ल्याएको छ । लिमिटेडको नेपालगञ्जका लागि आधिकारिक विक्रेता रवि ट्रेडर्स र दाङकोे आधिकारिक विक्रेता मध्यपश्चिम सप्लायर्सको नयाँ शोरुम उद्घाटन गरिएको हो ।
ग्राहकलाई उच्च सेवा प्रदान गर्न नयाँ शोरुमहरु संचालनमा आए लिमिटेडका अध्यक्ष अरुण चौधरीले बताए । शोरुमको उद्घाटन गर्दै चौधरीले भने, ‘गल्फ ब्राण्ड अन्तराष्ट्रिय ब्रान्ड हो जुन उच्च गुणस्तरका लागि प्रख्यात छ । साथैै, नेपाली बजारमा गल्फ सर्वाधिक विक्री हुने लुब्रिकेन्ट ब्राण्ड हो ।’
उद्घाटित शोरुमहरुबाट सबै गल्फ ब्रान्डका उत्पादनलाई ग्राहकमाझ उपलब्ध गराउने र ग्राहकले पनि उच्चस्तरिय लुब्रिकेन्ट प्रयोग गर्न पाउने लिमिटेडका महाप्रबन्धक गंगाराज भट्टराईले बताए । ‘फ्युल रिटेल र लुब्रिकेन्टको क्षेत्रमा गल्फ विश्वमै परिचित ब्रान्ड हो,’ भट्टराईले भने, ‘यसले अटोमोटिभदेखि इन्डष्ट्रियल सेक्टरसम्मका उत्पादन उपलब्ध गराउँछ ।’
