राष्ट्र उत्थान लघुवित्तको सेयर बाँडफाँट, कसले कति पाए ?
राष्ट्र उत्थान लघुवित्त वित्तीय संस्थाले सर्वसाधारणको लागि निष्कासन गरेको प्राथमिक सेयर (आईपीओ) बाँडफाँट भएको छ । लघुवित्तको शेयर निष्काशन तथा बिक्री प्रबन्धक एनआईबिएल एस क्यापिटलले शेयर बाँडफाँट गरेको हो ।
लघुवित्तको आईपीओमा कुल २५ लाख ८५ हजार २६१ जना आवेदकबाट २ अर्ब ९४ करोड ६७ लाख २१ हजार रुपियाँ बराबरको २ करोड ९४ लाख ६७ हजार २१० कित्ता शेयरको लागि आवेदन परेको थियो ।
कुल आवेदन मध्ये ५ हजार ८५९ जनाको आवेदन रद्ध भएको लघुवित्तको शेयर निष्काशन तथा बिक्री प्रबन्धक एनआईबीएल एस क्यापिटलले जनाएको छ ।
लघुवित्तको आईपीओमा मागभन्दा बढी आवेदन परेकोले धितोपत्र निष्कासन तथा बाँडफाँट निर्देशिकाअनुसार गोलाप्रथाबाट न्यूनतम १० कित्ताको दरले शेयर वितरण भएको छ । त्यस अनुसार योग्य आवेदकमध्ये गोलाप्रथाबाट ७९ हजार ४५० जना भाग्यमानी आवेदकले मात्रै १० कित्ताको दरले ७ लाख ९४ हजार ५०० कित्ता सेयर सर्वसाधारणलाई बाँडफाँट गरेको हो ।
लघुवित्तले फागुन ४ गतेदेखि ८ गतेसम्म जारी पुँजी २६ करोड रुपियाँको ३२.६९ प्रतिशतले हुन आउने ८ करोड ५० लाख रुपियाँ बराबरको ८ लाख ५० हजार कित्ता सेयर निष्कासनमा ल्याएको थियो ।
त्यसमध्ये ०.५ प्रतिशत आर्थत १३ हजार कित्ता सेयर कर्मचारीहरूलाई र ५ प्रतिशत अर्थात् ४२ हजार ५०० कित्ता सेयर सामूहिक लगानी कोषका लागि सुरक्षित गरी बाँकी रहने जनाएको छ ।
यो पनि…
कागतीको मूल्य बढ्यो, गोलभेंडा, काउली, आलु र प्याजको कति ?
अमेरिकामा नेपाली अर्गानिक चियाको माग उच्च
