मतदाता परिचयपत्रको सिफारिसमा शुल्क नलिन आयोगको निर्देशन
निर्वाचन आयोगले हराएको वा नष्ट भएको मतदाता परिचयपत्र बनाउनका लागि सिफारिस दिंदा शुल्क नलिन स्थानीय तहलाई निर्देशन दिएको छ ।
आयोगले मंगलबार विज्ञप्ति जारी गर्दै हराएका वा नष्ट भएका मतदाता परिचयपत्र पुनः बनाउने प्रयोजनका लागि निःशुल्क सिफारिस गर्न परिपत्र गर्ने निर्णय भएको आयोगका सहायक प्रवक्ता सूर्यप्रसाद अर्यालले जानकारी दिए ।
वडा कार्यालयको सिफारिससहित सम्बन्धित मतदाता स्वयम् उपस्थित भइ निवेदन दिएमा वा वडा कार्यालयको सिफारिससहित इमेल वा फ्याक्स वा अन्य विधि मार्फतसमेत प्रदेश निर्वाचन कार्यालय, जिल्लानिर्वाचन कार्यालयमा निवेदन पठाएमा त्यसरी आएको निवेदनसमेत दर्ता गरी प्रक्रिया अगाडि बढाउनसमेत आयोगले निर्देशन दिएको छ ।
यो पनि
निर्वाचन आयोगले माग्यो सरकारसँग ८ अर्ब १४ करोड
