डिप्रेसन र एन्जाइटीमा के छ फरक ? (भिडियो पनि)
मानसिक रोगको समस्याले अहिले धेरै मानिसहरूलाई सताइरहेको छ । डिप्रेसन र एन्जाइटीको नाम सुनेर नै मानिसहरू तर्सन्छन् । यी दुईमा के फरक छ भन्ने कुरा धेरैलाई थाहा नहुन पनि सक्छ । यी दुईलाई दिमागी असन्तुलनमा राख्ने भन्दा पनि यी दुईमा के फरक छ भन्ने कुरा जान्नु पनि महत्वपूर्ण हुन्छ ।
एन्जाइटीलाई नेपालीमा दुशचिन्ता भनिन्छ । अत्यधिक चिन्ता लाग्ने, डर लाग्ने, जुन कुरा सम्भव हुँदैन त्यो कुरा भइहाल्छ कि भनेर डराउने यी एन्जाइटीका साइकोलोजिकल लक्षणहरू हुन् ।
त्यस्तै, फिजिकल लक्षणहरू पनि एन्जाइटीमा देखापर्छ । शरीर दुख्ने, पोल्ने, झमझमाउने, मुटुको धड्कन बढेजस्तो हुने छातिमा केही चिजले थिचेजस्तो हुने, घाँटी न्याकेजस्तो हुने, खाना खाँदा वा पानी खाँदा घाँटीमा केही अड्केजस्तो महसुस हुने हुन्छ ।
त्यस्तै, डिप्रेसनमा भएको मानिस दुई हप्ताभन्दा बढी हरेक दिन प्रायजसो समय निराश हुन्छ । बिनाकारण वा स–साना कारणले पनि नरमाइलो लाग्ने, दिक्दारी लाग्ने, निराश हुने र पहिले–पहिले रुचिकर लाग्ने कुराहरूले पनि पछि रमाइलो लाग्न छोड्छ फिजिकल जाँच गराउँदा केही पनि समस्या देखिँदैन ।
तर, छिट्टै थाक्ने, गल्ने र निद्रामा पनि समस्या देखापर्छ । कुनै डिप्रेसनमा भने धेरै सुत्ने पनि हुन सक्छ । धेरैजसो डिप्रेसनको बिरामीहरूमा खानाको रुचिमा कमी आउँछ भने केही केही बिरामीहरूले धेरै खाने पनि हुन्छन् ।
कारण
व्यक्तिको मनोविज्ञान र सामाजिक कारणले गर्दा एन्जाइटी र डिप्रेसनजस्ता समस्या देखिने गर्छन् । वंशाणुगत कारणले पनि यी मानसिक रोग लाग्ने गर्छन् । तर, वंशाणुगत कारणलाई साइकोलोजिकल र सामाजिक कुराले बढावा दिन्छ ।
बच्ने उपाय र उपचार
कति अवस्थामा डिप्रेसन र एन्जाइटीबाट बच्ने कुरा व्यक्तिको हातमा पनि हुँदैन । तर, पनि यी समस्याबाट बच्न व्यक्तिले आफ्नो जीवन सहज र सरल बनाउनुपर्छ । पूरा हुन नसकेका इच्छा आकंक्षाहरूलाई सहज रूपमा लिनुपर्छ । मनमा आएका नराम्रा सोचहरू र धारणाहरू अरूलाई सेयर गर्नुपर्छ ।
सानो कुरामा पनि सन्तोष रहनुपर्छ । यस्तै, लागुऔषधको सेवन र दुव्र्यसनीबाट टाढा रहनुपर्छ । सबैखाले मानसिक स्वास्थ्य समस्याको उपचार छ । समयमै उपचार भएमा यो रोग पूर्ण निको हुन्छ ।
भिडियो:
यो पनि…
क्यान्सरविरुद्ध चेतना जगाउन ‘फेसन फर कज’
मुखको क्यान्सर : कारण, लक्षण र रोकथाम
