परीक्षाको विरोध गर्न उक्साएको आरोपमा कलाकार फाटक पक्राउ
भारतीय कलाकार विकास फाटक ‘हिन्दुस्तानी भाउ’ पक्राउ परेका छन्। ‘बिग बोस १३’को ‘वाइल्ड कार्ड’ प्रतियोगी विकासलाई मुम्बई प्रहरीले पक्राउ गरेको हो।
भारतीय सञ्चारमाध्यमले जनाएअनुसार प्रहरीले विद्यार्थीहरूलाई अफ लाइन परीक्षाको विरोध गर्न उक्साएको आरोपमा उनलाई पक्राउ गरेको हो।
एक भिडियोमा उनले कक्षा १० र १२ का विद्यार्थीहरू अफ लाइन परीक्षाविरुद्धमा विद्रोह गर्नुपर्ने उनले बताएका थिए। त्यसपछि विद्यार्थीहरूले मुम्बई र नागपुरमा विरोध प्रदर्शन गरेका थिए।
विकासलाई धारावी प्रहरीले पक्राउ गरेको हो। विकाससँगै पक्राउ परेका अन्यविरुद्ध प्रहरीले एफआइआर दर्ता गरेको छ। प्रहरीका अनुसार विकासले विद्यार्थीलाई उक्साउने भिडियो इन्स्टाग्राममा अपलोड गरेका थिए।
उनीहरूलाई आइपीसीको धाराअनुसार महाराष्ट्र प्रहरी अधिनियम, आपदा प्रवद्र्धन अधिनियम र महाराष्ट्र सम्पत्तिको विरुपणको रोकथाम अधिनियमअनुसार प्राथमिकी दर्ता गरिएको छ।
विकास यसअघि पनि कोभिड प्रतिबन्धसम्बन्धी नियमको उल्लंघन गरेको आरोपमा पक्राउ परेका थिए। किनकी उनले विरोध प्रदर्शनका लागि शिवाजी पार्क पुग्न एक एम्बुलेन्सको प्रयोग गरेका थिए।
यो पनि
