‘नागिन’मा जोडिँदै कोमोलिका
भारतीय टेलिभिजनको लोकप्रिय खलनायिकाहरूमा चर्चित ‘कोमोलिका’अर्थात् उर्वशी ढोलकिया टेलिभिजनमा पुनःफर्किने भएकी छिन्। यी अभिनेत्री अब दर्शकमाझ नागिनको रूपमा देखिँदैछिन्।
भारतीय सञ्चारमाध्यमकाअनुसार उर्वशी ‘नागिन ६’मा देखिनेछिन्। उर्वशी करिब चार वर्षपछि फिक्शन शोमा देखिन लागेकी हुन्।
यसअघि उनी एकता कपूरको सिरियल ‘चन्द्रकान्ता’मा देखिएकी थिइन्। उर्वशी ‘नागिन ६’ मा नागिन या कुनै जीव या मान्छे नै हुनेछिन् भन्नेबारे केही खुलाइएको छैन।
त्यसो त उर्वशी अघि ‘नागिन ६’ मा माहिरा शर्मा, रुविना दिलैक, महक चहल, रिद्धिमा पण्डित जस्ता कैयौं टेलिभिजन अभिनेत्रीको नाम आएको थियो। तर, ‘नागिन ६’ मा को नागिन बन्दै छ भन्ने आधिकारिक घोषणा भने गरिएको छैन।
