कोरोना संक्रमण भएमा यसरी गर्नुहोस् हेरचाह

अहिले मुलुकमा कोरोना अनियन्त्रित हुँदै गइरहेको छ । दैनिक हजारभन्दा बढी संक्रमितको संख्या थपिएसँगै सरकारले समेत केही गतिविधिमा प्रतिबन्धात्मक व्यवस्था शुरु गरेको छ । अहिलेको ओमिक्रोन अन्य भेरियन्टभन्दा बढी संक्रामक भएकोले रोग लाग्नबाट बच्नु एकदमै महत्वपूर्ण भएको छ । त्यसैले, कोभिड संक्रमित हुन बच्नका लागि र संक्रमित भएको खण्डमा केही कुराहरूमा ध्यान दिनुपर्छ ।

-उपचारभन्दा रोकथाम राम्रो गर्नुपर्छ
-अरूबाट कम्तिमा एक फिटको दूरी कायम गर्नुपर्छ ।
-भेन्टिलेसन सुधार गर्नका लागि राम्रोसँग फिट हुने मास्कको प्रयोग गर्ने ।
-कम हावा चल्ने वा भिडभाड हुने ठाउँबाट टाढा रहने ।
-बेलाबेलामा साबुन पानीले हात धुने ।
-कुहिनो वा टिस्युले नाक मुख छोपेर मात्र हाच्छयुँ गर्ने ।

खोप लगाउनुहोस्

सबै सुरक्षाका मापदण्डहरू पालना गर्नुपर्छ । किनकि, अहिले संक्रमितको संख्या ह्वातै बढेको छ । तर, अन्य भेरियन्टको तुलनामा बिरामी सिकिस्त हुने संख्या भने कम छ । केसहरूको गम्भीरता घटेको छ । होम आइसोलेसनमा बस्ने संक्रमितको संख्या भने बढेको छ । त्यसैले, त्यो संख्यालाई घटाउनुपर्ने देखिन्छ ।

सामान्य रूपमा देखिएका लक्षणहरू

नाकबाट पानी बग्नु
ज्वरो
अपच
थकान
टाउको दुख्ने
हाच्छयुँ आउने
घाँटी दुख्ने

दैनिक गर्नुपर्ने हेरचाह

अरूबाट कम्तिमा एक मिटरको दूरी राख्ने ।
भेन्टिलेसन सुधार गर्नका लागि राम्रोसँग फिट भएको मास्क लगाउने ।
कम हावा चल्ने वा भिडभाड हुने ठाउँबाट टाढा रहने ।
साबुनपानीले बारम्बार हात हुने ।
कुहिनो वा टिस्युले नाक मुख छोपेर हाँच्छयु गर्ने ।

जल नेती

नाकको मार्गलाई तातो, नुन पानीले सफा गर्नुपर्छ । जलनेतीले साइनस, नाक कान, घाँटीको समस्यालाई कम गर्छ । यसले चिसो र एलर्जीको जोखिम कम गर्छ । यसले माथिल्लो श्वास नलिबाट फोहोर, ब्याक्टेरिया र भाइरसहरू हटाउँछ । त्यसैले, यो महामारीको समयमा जलनेती महत्वपुर्ण हुन्छ ।

गार्गल

टन्सिलको जोखिम कम गर्न नुनपानीले मुख कुल्ला गर्नुपर्छ । यसले घाँटी दुखाइका कठिनाइहरू पनि कम गर्छ ।

स्वास्थ्य जीवनशैली

सन्तुलित आहार सेवन गर्नुपर्छ । चिनी, मैदा, सेतो चामलको सट्टा ब्राउन सुगर, गुँद, कोदो, जौ, फापर आदिको बढी प्रयोग गर्नुपर्छ ।
मौसमी फलफूल तथा तरकारीको अत्यधिक प्रयोग गर्नुपर्छ । खानामा जिरा, धनियाँ, अदुवा, लसुन, बेसार, दालचिनी ल्वांग आदि मसलाको प्रयोग गर्नु पर्छ । काजु, बदाम, ओखर, र किसमिस जस्ता ड्राई फ्रुटको प्रयोग गर्नुपर्छ । यसले हाम्रो शरीरको रोग प्रतिरोधात्मक क्षमता बढाउँछ ।

उचित निद्रा

वयस्कहरू सातदेखि ९ घन्टा नियमित सुत्नुपर्छ । यसले शरीरमा ऊर्जा प्रदान गर्छ र प्रतिरक्षा प्रणालीलाई बढाउँछ । तर, अधिक निद्राले कब्जियत, शरीर दुख्ने ,अधिक तैल, डिपरेसन र अन्य रोगहरू निम्ताउँछ । त्यसैले, त्यसैले उमेरअनुसार उचित निदाउनु स्वास्थ्यको लागि लाभदायक हुन्छ ।

राम्रो हाइड्रेसन अनिवार्य छ

शरीरको उचित कार्यका लागि प्रतिदिन २, ३ लिटर पानी पिउन आवश्यक छ ।

उचित व्यायाम र योग

कपालभाँती, भ्रामरी प्राणायाम जस्ता योगको नियमित अभ्यासले शारीरिक, मानसिक आध्यात्मिक स्तरको सन्तुलन गर्छ र प्रतिरक्षा प्रणालीमा सुधार गर्छ । आफ्नो स्वास्थको हेरचाह आफंँैले गर्नुपर्ने हुन्छ । कुनै पनि लक्षणहरु देखिएमा अस्पताल गएर चिकित्सकको सल्लाहअनुसार उपचार गर्नुपर्छ ।

यो पनि…
यस्ता आहारले गराउँछ तनावबाट मुक्त
यी बानीले हुन दिँदैन ‘हार्टअट्याक’