स्वास्थ्य मापदण्ड पालना गरेर फिल्म छायांकन गर्न आग्रह
काठमाडौं। चलचित्र विकास बोर्डले कोरोना भाइरस संक्रमण रोकथामका लागि सरकारले जारी गरेको मापदण्ड पालना गरेर फिल्म छायांकन गर्न आग्रह गरेको छ।
चलचित्र विकास बोर्डका अध्यक्ष दयाराम दाहालले कोरोना खोप लगाएका कास्ट एण्ड क्रिउसहित २५ जनाको उपस्थितिमा स्वास्थ्य मापदण्ड पालना गरेर फिल्म छायांकनलाई निरन्तरता दिन अनुमति दिएको बताए।
गत हप्ताको शुक्रबार बसेको मन्त्रिपरिषद्को बैठकले माघ मसान्तसम्म अत्यावश्यक बाहेक भीडभाड नर्गन र अत्यावश्यक काम गर्नैपरे प्रशासनको अनुमतिमा २५ जना भेला भएर काम गर्न अनुमति दिने निणर्य गरेको थियो।
सरकारको निर्णयमा अहिले फिल्म हलहरू बन्द रहेका छन् भने सुटिङ र केही म्युजिक भिडिओहरू विभिन्न स्थानमा छायांकन भइरहेका छन्।
