नेप्से ५० अङ्कले बढ्दा यी कम्पनीकाे शेयरमा सकारात्मक सर्किट
साेमबार १९ अङ्कले बढेकाे नेप्से आज ४९ दशमलव १९ अङ्कले बढेर दुई हजार आठ सय ३४ दशमलव १३ विन्दुमा पुगेको छ । आज उत्पादनबाहेक सबै समूहको सेयर बढेको छ । सबैभन्दा धेरै फाइनान्स समूहको सेयर ६ दशमलव १५ प्रतिशतले बढेको छ ।
आज दुई सय ३२ वटा कम्पनीको एक करोड १९ लाख कित्ता सेयर ६ अर्ब ७२ करोड रुपैयाँमा कारोबार भएको छ । सबैभन्दा धेरै अपी पावर कम्पनीको १६ करोड रुपैयाँ बराबरको शेयर किनबेच भयो ।
आज नारायणी विकास बैंक, नेपाल फाइनान्स, पोखरा फाइनान्स, कर्पाेरेट विकास बैंक र मध्य भोटेकोसी जलविद्युत् कम्पनीको सेयरमा सकारात्मक सर्किट लागेको छ । समग्र बजार बढे पनि माउन्टेन इनर्जीको सेयर भने तीन प्रतिशतभन्दा धेरैले घटेको छ ।
यो पनि
वाणिज्य बैंकहरूमा १४ अर्ब निक्षेप थपियो, सिडी रेसियोमा सुधार
सेयर बजारमा दिनभरि उतारचढाव
