शिवलिङ्ग ढोग्न निहुरिँदा जसको प्राण गयो !
महाशिवरात्रीको दिन जब मानिस पूजा गर्नका लागि लाइन लागेर शिवलिङ्गको दर्शन गर्न झुकिरहेका थिए । तब एउटा अनौठो घटना भयो । आशिर्वाद लिन शिर निहुराएकी एक वृद्धाले कहिल्यै टाउको उठाउन सकिनन् ।
यो घटना भारतको गोरखपुर, हैरया गाउँको हो । जहाँ महाशिवरात्रीको दिन एक ६० वर्षीया महिला शिवलिङ्ग ढोगेर आशिर्वाद लिन निहुरिएकी थिइन् । तर उनको शिर सधैँका लागि निहुरियो । उनले त्यहीं प्राण त्याग गरिन् ।
उनी महाशिवरात्रीको दिन आफ्ना श्रीमानसँग शिवमन्दिर गएकी थिइन् । मन्दिर गएर उनले दर्शनका लागि शिर झुकाइन् । सोही बेला उनी अचेत भइन् । अचानक नजिकै रहेको अस्पतालमा लग्दा डाक्टरले उनलाई मृत घोषित गरेको थियो ।
यो भन्दा अगाडि पनि २०२० मा पूर्व कांग्रेस विधायक उद्योगपति विनोद डागा मन्दिरमा पूजा गर्न गएका थिए । जब उनले दर्शनका लागि शिर झुकाए, तब उनको पनि मृत्यु भएको थियो । यसको भिडियो सिसिटिभी फूटेजमा देखिएको थियो ।
