कमला घिमिरे र खेम सेञ्चुरीको तीज गीत ‘हान्छु तिम्लाई लौरीले’ युट्युब ट्रेण्डिङमा
बाल गायिका कमला घिमिरे र गायक खेम सेञ्चुरीको स्वरमा रहेको तीजगीत ‘हान्छु तिम्लाई लौरीले’ गीत ८ घन्टा नबित्दै युट्युब ट्रेण्डिङमा परेको छ ।
शुभारम्भ डिजिटल म्युजिक नामक युट्युब च्यानलबाट शुक्रबार बिहान सार्वजनिक गरिएको उक्त गीत हालसम्म युट्युब ट्रेण्डिङको १७ औं स्थानमा छ ।
गीतमा शब्द सङ्कलन नेत्र अर्याल र सङ्गीत सेञ्चुरीको हो । प्रकाश भट्टले निर्देशन गरेको भिडियोमा सेञ्चुरी, घिमिरे, सरस्वती फुयाँल, आयुषा गौतम, रवीना बसेल, विवेक इटनी र आयुष अधिकारीले अभिनय रहेको छ ।
सेञ्चुरी र घिमिरेको स्वरमा रहेको तीज गीत ‘लरिलरि लै, रुन्छु बरिलै’ लाई दर्शकस्रोताले गत वर्ष रुचाएका थिए । यस वर्षको तीजगीतलाई पनि रुचाउनेमा आफूहरु आशावादी रहेको शुभारम्भ डिजिटलका व्यवस्थापक शम्भु कुँवर बताउँछन् ।
