यस कारण महिलाको यौनेच्छामा कमी आउँछ !
केही महिलाहरुमा उमेरका साथसाथै सेक्समा कमी आउँछ । महिलाको यौनेच्छामा भइरहेको परिवर्तनका बारेमा हालै मात्र एउटा स्टडी भएको छ । यो स्टडी स्कट्सडेलका शोधकर्ताहरुले गरेका हुन् । स्टडीकी लेखक र मेयो क्लिनिकमा मेडिसिनकी एसोसिएट प्रोफेसर डाक्टर जुलियाना क्लिंगले शोधमा भएका केही महत्वपूर्ण जानकारी दिएकी छन् ।
डाक्टर क्लिंगले महिलाहरुको यौनेच्छामा कमी हुनुको कारण पर्याप्त र आनन्दित निन्द्रामा जोडेकी छन् । नयाँ अध्ययनका अनुसार बढ्दो उमेरमा आनन्दले सुत्न पाउनु यौनेच्छा बढाउने सबैभन्दा राम्रो उपचार हो ।
अध्ययनमा अनुसन्धान कर्ताहरुले आनन्दले सुत्न नपाएकी महिलामा यौन समस्या हुने सम्भावना दुईगुणा बढी देखिएको र यौनेच्छाको उत्तेजनामा कमी आएको बताएका छन् । यो अध्ययन ५३ वर्षकी ३ हजार ४ सय महिलामा गरिएको थियो । यसमा ७५ प्रतिशत महिलाहरु आनन्दसँग सुत्न सकेका थिएनन् । त्यस्तै ५४ प्रतिशत महिलामा कुनै न कुनै प्रकारको यौन समस्या पाइएको थियो ।
अध्ययनमा उनीहरुसँग उनीहरुको यौन जीवनको बारेमा सोधिएको थियो । जो महिला राम्रोसँग सुत्न सक्दैन थिए उनीहरुमा यौनेच्छाको कमी थियो । ५ घण्टा भन्दा कम सुत्ने महिलामा यौनेच्छाको कमी, सेक्सुअल डिस्फंक्शन, उत्तेजनामा कमी, शरीरमा नकारात्मक प्रभाव र गोप्य अंगमा दुख्ने समस्या पाइएको थियो ।
