English

निषेधाज्ञामा निदाएको कन्याम (फोटो फिचर)



बाह्रै महिना पर्यटकको घुँइचो लाग्ने पुर्वी नेपालको प्रमुख पर्यटकीय केन्द्र हो कन्याम । इलाम जिल्लामा पर्ने यो थलो प्राकृतिक सुन्दरताको अनुपम उपहार हो । चारैतर्फ चियाबगानले ढाँकिएको यो ठाउँ कुनै चित्रकारले कोरेको बेजोड कला झै लाग्छ । देशमा निशेधाज्ञा छ, यतिबेला कन्यामको अवस्था कस्तो होला ? सम्भवतः त्यहाँ पुग्नुहुने धेरैलाई यो कौंतुहलता हुनसक्छ । शुक्रबार हामी त्यहाँ पुग्दा कन्यामको सुन्दरता अझै निखारिएको पायौं । फरक थियो त सधैंको भीडभाड र त्यो कोलाहल । यतिबेला शान्त छ कन्याम । निषेधाज्ञामा निदाएको छ । लाग्थ्यो, यसले पनि लामो आराम खोजिरहेको थियो ।

यहाँको मौसमले छिनछिनमै लुकामारी खेलिरहन्छ । छिनमै घाम, छिनमै पानी, छिनमै कुहिरो । हामी केहीघण्टा त्यहाँ बस्दासमेत यही दृष्य दोहोरियो । कोही सवारीसाधन सिकिरहेका र कोही सडकमै खेलिरहेका देखिन्थे । यि सबै दृष्य चुपचाप हेरिरहेछ कन्याम, दिनहुँ सयौं मानिस यहाँको सुन्दरता हेर्न पुग्थे । यतिबेला कन्याम आफ्नै आँखाले आफ्नो सुन्दरता नियालिरहेको छ, चुपचाप…, चुपचाप… । बाँकी तस्बिर आफै बोल्छ ।

तस्बिरहरु : अशोक गुरुङ(कन्याम,इलाम)/मेरो लाइफस्टाइल



Leave a Reply

Your email address will not be published. Required fields are marked *

सम्बन्धित खबरहरु

नेपालको अन्नपूर्ण संरक्षण क्षेत्रमा नयाँ प्रजातिको चरा भेटिएको छ । नयाँ प्रजातिको चरा ‘फुस्रो सारौं’ नाममा अभिलेख गरिएको छ ।

वायु प्रदूषण रोक्न विकसित मुलुकहरूले सवारी साधन, कलकारखाना, उद्योगलगायत विभिन्न क्षेत्रमा विशेष मापदण्डहरू तोकी एक्युआई अर्थात् एयर क्वालिटी इन्डेक्समा उत्तम

‘तपाई जति प्रकृति नजिक पुग्नु हुन्छ, प्रकृति त्यति नै तपाई नजिक आइपुग्छ’, यो भनाई हङकङका नेपाली व्यवसायी राज गुरुङलाई ठ्याक्कै

एक साँझ हामी सूर्यास्त अवलोकन गर्न हेग शहरको अत्याधिक प्रसिद्ध समुन्द्रतट स्केभनिनगन गएका थियौँ । हाम्रो टोलीमा इटाली, फ्रान्स, नर्वे,