English

इजरायलमाथि प्यालेस्टाइनको सबैभन्दा ठूलो हमला (भिडियो)



इजरायल र प्यालेस्टाइनको बीचमा ठूलो युद्ध सुरु भएको छ । मंगलवार प्यालेस्टाइनको हमास (इजरायल यसलाई आतंककारी संगठन मान्छ) संगठनले इजरायलको राजधानी तेल अवीव, एश्केलोन र होलान सहरलाई निशाना बनाएको थियो । राती अबेरसम्म यो तीन स्थानमा गरेर ३८ जनाको मृत्यु भएको बताइएको छ । जवाफमा इजरायली एयरफोर्सले हमासको कब्जा भएको गाजापट्टीमा हमला गरेको थियो । त्यहाँ १३ तले बिल्डिङलाई टार्गेट बनाइएको थियो ।

इजरायलका अनुसार यो बिल्डिङमा हमासको पाल्टिकल विंगको अफिस थियो । यो भवन अब खरानी भएको छ । प्रधानमन्त्री बेन्जामिन नेतान्याहू र डिफेन्स बेनी गेन्ट्जले हमासले यो हमलाको जवाफमा ठूलो नोक्शान व्यहोर्नुपर्ने बताएका छन् ।

नेतान्याहूले भने, ‘मात्र एउटा कुरा सम्झनुस्, यसको जवाफ गम्भीर हुनेछ ।’ आईतवारदेखि यो युद्ध हालसम्म पनि जारी रहेको छ । अहिलेसम्म ३८ जना भन्दा धेरैको ज्यान गएको अन्तर्राष्ट्रिय सञ्चारमाध्यमहरुले बताएका छन् । यो भन्दा पहिला हमाससँग इजरायलको युद्ध सन् २०१४ मा भएको थियो ।

टाइम्स अफ इजरायलसँगको कुराकानीका क्रममा हमासका एक प्रवक्ताले मंगलवार साँझसम्म १३० रकेट इजरायल तर्फ प्रहार गरेको बताएका छन् । २४ घण्टामा यसको संख्या ३ सय भन्दा धेरै भइसकेको छ । यसबाट कति नोक्शान भएको छ ? भन्ने पत्रकारको प्रश्नमा उनले केही नबताएको बुझिएको छ ।

इजरायलले पनि हमासका विभिन्न भवनहरु ध्वस्त बनाइदिएको छ । गाजापट्टीमा रहेको १३ तलाको भवनसमेत भत्काइदिएको छ । दिनमा त्यहाँ ७ सयदेखि १२ सयसम्म मानिस हुने गरेका थिए । तर हमलाको बेला कति थिए भन्ने कुरा खुल्न सकेको छैन ।

आइरन डोमले रोके रकेट हमला

गाजापट्टीबाट इजरायल तर्फ हानिएका अधिकांश रकेट आइरन डोमले नष्ट गरेको बताइएको छ । यो एक मिसाइल डिफेन्स सिस्टम हो । जसले रकेटलाई चिनेर काउण्टर मिसाइल लञ्च गर्दछ । यसबाट रकेट हावामै नष्ट हुन्छ । यसको सबैभन्दा पहिलो परीक्षण २०१२ मा गरिएको थियो । यसलाई इजरायली सरकारको रक्षा एजेन्सी राफेल एडभान्स्ड डिफेन्स सिस्टमले तयार पारेको हो । यो भन्दा पहिला पनि हमासका ९० प्रतिशत हमला आइरन डोमले नष्ट गरेको थियो ।

ट्रम्प भन्छन्, यो हमला बाइडेनको कमजोरी

टाइम्स अफ इजरायलसँगको कुराकानीका क्रममा अमेरिकी पूर्व राष्ट्रपति डोनाल्ड ट्रम्पले यो हमलालाई जो बाइडेनको कमजोरी भएको बताएका छन् । उनले भने, ‘म राष्ट्रपति रहँदा इजरायल र प्यालेस्टाइनबीच शान्ति थियो, प्यालेस्टाइन र इजरायलका अन्य दुश्मन अमेरिका जहिल्यै इजरायलको साथमा रहेको जान्दथे, किनभने हमला भएमा अमेरिकाले छोड्दैन, बाइडेनको कार्यकालमा हिंसा भनेको उनको कमजोरी हो ।’

आईतवारदेखि जारी छ हमला

१९६७ मा अरब-इजरायल युद्धमा जित निकालेपछि इजरायल यरुशलम डे अर्थात् उक्त जितको वर्षगाँठ मनाउँछ । यरुशलमका शेख जर्राह क्षेत्रलाई यहुदी र मुस्लिम दुवै पवित्र स्थल मान्दछन् । त्यहाँ अल अक्सा मस्जिदको बाहिर रहेका प्यालेस्टाइनहरुले पवित्र ढोकाको नजिक प्रार्थना गरिरहेका मानिस र उनीहरुको सुरक्षा गरिरहेका जवानमाथि ढुङ्गा प्रहार गरे । अल अक्सा मस्जिद पुरानो यरुशलममा छ । त्यहीँ यहुदीहरुको टेम्पल माउण्ट पनि हो । अर्थात् दुवै सम्प्रदाय यो जमीनलाई पवित्र धार्मिक स्थल मान्दछन् र यसमा आफ्नो दाबी गर्दछन् ।

इजरायल झुक्न तयार छैन

इजरायलले यरुशलम सहरको एक भागलाई आधुनिक सहरको रुपमा निर्माण गरिरहेको छ । तर प्यालेस्टाइनलाई यो स्वीकार्य छैन । विश्वका केही देश इजरायलसँग कन्ट्रक्शन रोक्ने माग गरिरहेका छन् । तर इजरायलले भनेँ, आफूले यसलाई जारी राख्ने बताउँदै आएको छ, किनभने यो आफ्नो क्षेत्र हो ।



Leave a Reply

Your email address will not be published. Required fields are marked *

सम्बन्धित खबरहरु

हालसालै सम्पन्न विश्व प्रसिद्द कान्स फिल्म फेस्टिभलको ७७ औँ श्रृङ्खलामा काठमाडौँ महानगरपालिकाका मेयर बालेन्द्र शाह (बालेन) ले सहभागी जनाएको कुराले

गायक सुरेश लामाको सुमधुर स्वरमा सजिएको ‘माया बस्यो’ बोलको म्युजिक भिडियो सार्वजनिक भएको छ।  युवा प्रेम र आकर्षणको भावानालाई व्यक्त

नोबेल पुरस्कार विजेता यासुनारी कावावाताले उपन्यास ‘स्नो कन्ट्री’ मा देश सुन्दर हुने तीनवटा तत्व उल्लेख गरे–प्रकृति,संस्कृति र परिवेश । लाग्छ–साहित्यकार

तमु समुदायको ऐतिहासिक चाड बैशाख पूर्णिमाका अवसर पारेर तमु ट्हो ह्युल हङकङले आफ्नो २६ औं वार्षिकोत्सव मनाएको छ । उक्त