आरोही जितेन्द्रको सगरमाथा सफाई देशव्यापी जागरण अभियान

सगरमाथा आरोही जितेन्द्र रेग्मीले सगरमाथा सफाई देशव्यापी जागरण अभियान सम्पन्न गरेका छन् । सगरमाथालाई स्वच्छ र सफा राख्नुपर्छ भन्ने जागरण फैलाउन उनले हालै सातै प्रदेशको भ्रमण गरेका थिए । सोही अभियानको समापन समारोह शनिबार काठमाडौँ पकनाजोलस्थित गोकर्ण हाउस रेष्टुरेन्टमा गरिएको हो । रेग्मीले गतवर्ष सगरमाथाको सफल आरोहण गरेका थिए । क्यानडा बसाईका क्रममा धेरैले सगरमाथा बारे जिज्ञासा राखेपछि आफुलाई विश्वकै अग्लो हिमाल चढन प्रोत्साहन मिलेको उनले बताए । कार्यक्रममा १७ औं पटक सगरमाथा आरोहण गरेका र्कितीमानी आरोही फुर्वा तेन्जिङ शेर्पा र मृगौला पिडित पहिलो सगरमाथा आरोही पेम्बा शेर्पालाई सम्मान गरिएको थियो । सोही समारोहमा दोलखाको रोल्वालिङस्थित रोल्वालिङ साङगाग छोलिङ गोम्बा बिद्यालयलाई आरोही फुर्वा शेर्पामार्फत नगद ४१ हजार समेत हस्तातरण गरिएको थियो ।