हङकङमा तमु ट्हो ह्युलले सप्रि ल्होछार मनाउने
तमु ट्हो ह्युल हङकङले विविध सांस्कृतिक कार्यक्रमहरुका साथ महान चाँड ल्होछार मनाउने भएको छ । नयाँ वर्षको पहिलो दिन जनवरी १ मा हुने कार्यक्रममा चर्चित गायक गायिका ममता गुरुङ र मनोज गुरुङको पनि प्रस्तुति रहनेछ । विविध सांस्कृतिक भेषभूषायुक्त झाँकी, छेलो, डोरी तान्ने लगायतका प्रतियोगिता समेत आयोजना हुने आइतबार आयोजित जानकारी सभामा बताइयो । सोही कार्यक्रममा डाक्टर हर्क र चन्द्र स्मृति पुरस्कार समेत प्रदान गरिनेछ ।
नेपाली जहाँ भएपनि आफ्नो भाषा, कला संस्कृति ,संस्कारलाई विर्सन नसक्ने र यसलाई जोगाई राख्ने प्रयास स्वरुप संस्थाले यस्ता कार्यक्रमलाई निरन्तरता दिदै आएको आयोजक संस्थाले बताएको छ ।
जगत अम्बु गुरुङ/हङकङ
