बढ्यो श्रमिकको न्यूनतम पारिश्रमिक, राजपत्रमा सूचना प्रकाशित



सरकारले श्रमिकको न्यूनतम पारिश्रमिक १५ हजार रुपैयाँ निर्धारण गरेको छ । श्रम रोजगार तथा सामाजिक सुरक्षा मन्त्रालयले २०७८ साउन १ गतेबाट लागू हुने भन्दै सोमबार राजपत्रमा सूचना प्रकाशित गरेको हो ।

मन्त्रालयले श्रम ऐन २०७४ को दफा १०६ को उपदफा (३) ले दिएको अधिकार प्रयोग गरी चिया बगान बाहेकका श्रमिकका लागि नयाँ न्यूनतम पारिश्रमिक निर्धारण गरेको जनाएको छ ।

निर्धारित पारिश्रमिकमा श्रमिकले मासिक आधारभूत पारिश्रमिकतर्फ ९ हजार ३ सय ८५ रुपैयाँ र महंगी भत्ता अन्तर्गत ५ हजार ६ सय १५ रुपैयाँ गरी १५ हजार पु¥याइएको राजपत्रमा उल्लेख छ ।

यसैैगरी, दैनिकमा आधारभूत पारिश्रमिक ३ सय ६१ र महंगी भत्ता २ सय १६ गरी ५ सय ७७ रुपैयाँ कायम गरिएको छ । प्रतिघन्टा आधारभूत पारिश्रमिक ४८ रुपैयाँ र महंगी भत्ता २९ रुपैयाँ गरी ७७ रुपैयाँ निर्धारण गरिएको राजपत्रमा उल्लेख छ । यसका अतिरिक्त श्रमिकलाई सञ्चय कोष, सामाजिक सुरक्षा कोष, उपदान लगायतका सुविधा दिनुपर्ने बताइएको छ ।

हाल श्रमिकको न्यूनतम पारिश्रमिक १३ हजार ४ सय ५० छ ।

राजपत्रमा प्रकाशित सूचना



Leave a Reply

Your email address will not be published.

सम्बन्धित खबरहरु

हङकङमा तुलसीकुमार गुरुङद्वारा लिखित र वि विल राइज फाउन्डेसनद्वारा प्रकाशित आत्मकथा ‘तुलसी’को लोकार्पण गरिएको छ। गुरुङ वि विल राइज फाउन्डेसन,

सिटिजन लाइफ इन्स्योरेन्स कम्पनीले प्रिमियम मूल्यमा सर्वसाधारण सेयर सार्वजनिक निष्कासन गर्ने पारित गरेको छ । आइतबार छायादेवी कम्प्लेक्समा सम्पन्न भएको

मधुमेह एक गम्भीर रोग हो, जसलाई नियन्त्रण गर्न बिरामीले आफ्नो खानपान र जीवनशैलीमा विशेष ध्यान दिनुपर्छ । चिनीको मात्रा बढेमा

काजु स्वास्थ्यका लागि निकै फाइदाजनक हुन्छ । सबैलाई मन पर्छ। तर यो मुद्रास्फीतिको युगमा यसलाई किन्न त्यति सजिलो छैन। किनकि

Suggested