नेपाल र यूएईको बाँकी खेल भोलि, हेर्न टिकट नचाहिने, चार दर्शकलाई क्यानकाे मेडल
एसीसी प्रिमियर कप अन्तर्गत नेपाल र यूएईबीचको फाइनल खेल भाेलि मंगलबार हुने भएको छ ।
भोलिकाे खेल यही अवस्थाबाट सुरु हुनेछ । टस हारेर ब्यटिङ गरेको यूएईले २७.३ ओभरमा ९ विकेट गुमाएर १०६ रन बनाउँदा खेल वर्षाले रोकिएको थियो ।
भोलि हुने खेल हेर्न दर्शकले नयाँ टिकट किन्न नपर्ने भएको छ । नेपाल क्रिकेट संघ क्यानले नेपाल र यूएईबीचको भोलि हुने बाँकी खेल निशुल्क हेर्ने दिने जनाएको छ ।
क्यानले खेल हेर्न आउने चार दर्शकलाई मेडलले सम्मान गरेको छ । दर्शकलाई १२ औं खेलाडी बताउने क्यानले मैदानमा उपस्थित भई खेलाडीको हौंसला बढाए बापत सोमबार विभिन्न उमेर समुहका दर्शकलाई सम्मान गरेको हो । दिपेन्द्र सिंह ऐरी र ज्ञानेन्द्र मल्लले उनीहरुलाई मेडल प्रदान गरेका थिए ।
