लगातार चौथो दिन सेयर बजारमा गिरावट



लागातार चौथो दिन पनि सेयर बजार परिसूचक नेप्से घटेको छ। मंगलबार नेप्से परिसूचक १५.७४ अंकले घटेर बजार बन्द हुँदा २,१११ मा आइपुगेको छ।

लगातार बजार घट्न थालेसँगै करोबार रकममा समेत कमि आएको छ। अघिल्लो दिन तीन अर्ब ३० करोड रूपैयाँको कारोबार भएकोमा यसदिन कारोबार रकम घटेर दुई अर्ब ८२ करोड रूपैयाँमा सीमित भएको छ।

यसदिन दुई सय ५९ वटा धितोपत्र र ऋणपत्रको कारोबार भएकोमा ७० वटाको मूल्य बढेको छ भने एक सय ७२ वटाको मूल्य घटेर किनबेच भएको छ।

बजार घटिरहँदा पनि आदर्श लघुवित्तको सेयर मूल्यमा सबैभन्दा धेरै १० प्रतिशतको वृद्धि देखिएको छ। मूल्य बढ्ने कम्पनीहरूको संख्यामा सोमबारको तुलनामा मंगलबार भने सुधार आएको छ। सोमबार १७ वटाको मात्र मूल्य बढेकोमा यस दिन ७० वटाको मूल्य बढेको हो।

प्राइम लाइफ र मनकामना स्मार्ट लघुवित्तको सबैभन्दा धेरैले मूल्य घटेको छ। यी दुवै कम्पनीको क्रमशः ५.२१ प्रतिशत र ४.९७ प्रतिशतको दरमा मूल्य घटेर कारोबार भएको छ।

यसदिन रिडी पावरको सबैभन्दा धेरै १९ करोड २० लाख रूपैयाँको सेयर कारोबार भएको छ। यसदिन जलविद्युत समूह बाहेक सबै समूहगत परिसूचक घटेका छन्।

यो पनि…
गत साता घटेको सेयर बजार यो साता के होला ?
डिम्याट खाता र मेरो सेयरको वार्षिक शुल्क नबुझाए खाता रोक्का



Leave a Reply

Your email address will not be published. Required fields are marked *

सम्बन्धित खबरहरु

घरयासी प्रयोगका विद्युतीय सामान उत्पादक ‘बेटर होम अप्लायन्सेस’ले आफ्ना दर्जनौ विक्रेतालाई थाइल्याण्ड भ्रमण उपहार दिएको छ । रवि एण्ड सन्नी

बीवाइडी अटो इन्डष्ट्रीज कम्पनी लिमिटेडको नेपालका लागि आधिकारीक बिक्रेता साईमेक्स इंक प्रा.लि.ले बिद्युतीय सवारीमा सहज फाइनासिङका लागि प्रभु बैंकसँग वित्तिय

होण्डाले आफ्नो डिलर नेटवर्कमा कार्यरत टेक्निसियनको सीप र दक्षता अभिवृद्धि गर्ने उद्देश्यले ‘होण्डा टेक्निसियन स्किल कन्टेस्ट २०२३’ सम्पन्न गरेको छ

‘एकल महिलाहरूलाई दुबोको माला उन्ने, अचार बनाउने लगायतका तालिम नगरपालिकाबाट नै दिनु भयो, चकटी बुन्ने, बत्ती काट्न आफैले सिकेका थियौँ