प्लान्ट नहुँदा अक्सिजन बाहिरबाट किन्ने बाध्यता



वीरगञ्जको नारायणी अस्पतालमा अक्सिजन प्लान्ट नभएकाले अहिले अर्कै जिल्लाबाट किन्नुपर्ने बाध्यता रहेको छ । दोश्रो चरणको कोरोनाको प्रकोप यहाँ ह्वात्तै बढेपछि अक्सिजन प्लान्ट राख्नुपर्ने आवाज उठिरहेको छ ।

नारायणी अस्पतालमा अक्सिजनका १०० सिलिन्डर मौज्दात अवस्थामा रहे पनि कुनैपनि बेला अभाव हुन सक्ने भएकाले यहाँ अक्सिजन प्लान्ट अति आवश्यक रहेको अस्पताल विकास समितिका सदस्य सुरेन्द्र गुप्ताले बताए ।

पर्सा क्षेत्र नम्बर–२ का सांसद विमल श्रीवास्तावले आफ्नो संसदीय विकास कोषबाट अक्सिजन प्लान्ट राख्न दुई करोड रुपैयाँ वीरगञ्ज महानगरपालिकालाई उपलब्ध गराएका थिए । तर, हालसम्म सो प्लान्ट स्थापना हुन नसकेकाले जुनसुकै बेला समस्या आउन सक्ने अस्पतालका मेडिकल सुपरिटेन्डेन्ट डा सञ्जयकुमार ठाकुर बताउँछन् ।

पर्सा क्षेत्र नम्बर–२ का सांसद विमल श्रीवास्तावले आफ्नो संसदीय विकास कोषबाट अक्सिजन प्लान्ट राख्न दुई करोड रुपैयाँ वीरगञ्ज महानगरपालिकालाई उपलब्ध गराएका थिए । तर, हालसम्म सो प्लान्ट स्थापना हुन सकेको छैन ।

मुख्य अक्सिजन सप्लायर्स भाजुरत्नले सप्लाई दिन नसकेको खण्डमा समस्या आउने जनाउँदै मेसु ठाकुरले अस्पतालले आफ्नो खर्चमा अक्सिजन प्लान्ट राख्ने सोच बनाए पनि काम अघि बढ्न सकेको छैन । सप्लायर्सले प्रत्येक दुई घण्टामा मागअनुसारको अक्सिजन सिलिन्डर पठाउने गरेकाले हाल सोको अभाव देखिएको छैन । जटिल अवस्था नभएका कोरोना संक्रमित बिरामीलाई होम आइसोलेसनमा जान आग्रह गरिए पनि उनीहरू घर जान नमान्दा त्यस्ता बिरामीलाई पनि अक्सिजन दिनुपर्ने भएकाले अक्सिजनको बढी दुरुपयोग हुने गरेको बताइएको छ ।

संघीय सरकारले निजी अस्पतालमा कोरोना संक्रमितको उपचारका लागि बेड थप्ने भनेर रकम पठाए पनि केही अस्पतालले शैया नथपेकाले नारायणी अस्पतालमा बिरामीको चाप बढ्दो छ । अहिले नारायणी अस्पतालमा बिरामीको कोभिडका विरामी उपचार गर्न ४० शैया छुट्ट्याइएको छ । यसमध्ये ३१ शैयामा कोरोना संक्रमित बिरामी उपचाररत रहेको अस्पतालका मेसु डा ठाकुरले जनाए । रासस



Leave a Reply

Your email address will not be published.

सम्बन्धित खबरहरु

यतिबेला देश निर्वाचनमय बनेको छ । प्रतिनिधिसभा र प्रदेशसभाको निर्वाचन आउन अब मात्र केही दिन बाँकी छ । निर्वाचन नजिकिएसँगै

धिरेन्द्र प्रेमर्षी, पत्रकार, संस्कृतिविद् छठ मिथिला समुदायको मौलिक पर्व हो । कात्तिक चतुर्थको दिनदेखि चार दिन मनाइन्छ । यो पर्व

आजबाट नेपाल संवत् ११४३ सुरु भएको छ । यसलाई नेवार समुदायले नयाँ वर्षका रूपमा मनाउने गरेका छन् । राष्ट्रिय विभूति

पोखरा खगोलीय समाज (PAS) र गण्डकी प्रदेश विज्ञान तथा प्रविधि प्रज्ञा प्रतिष्ठान (GPAST) द्वारा संयक्तरुपमा आयोजित पहिलो खगोल विज्ञान शिविर

Suggested