सेयर बजारमा सामान्य गिरावट
साताका पहिलो दिन आइतबार सेयर बजार परिसूचक नेप्सेमा सामान्य गिरावट आएको छ ।
आज नेप्से परिसूचक ७.७२ अंकले घटेर बन्द भएको छ । साताको पहिलो कारोबार दिन आज नेप्से ०.३७ प्रतिशतले घटेर २०६०.५५ को बिन्दुमा पुगेको हो ।
आज २१८ कम्पनीका ५३ लाख ३९ हजार ४ कित्ता सेयर किनबेच भएको छ । कारोबार अवधिभर दुई अर्ब चार करोड ७० लाख ९३ हजार ६८८ रुपैयाँ बराबरको कारोबार भएको छ ।
सेन्सेटिभ इन्डेक्स पनि ०.३७ प्रतिशतले घटेर ३९८.५८ को बिन्दुमा पुगेको छ ।
१३ समूहमध्ये चार वटा समूहगत सूचक उकालो लागेको छ भने नौ वटा समूहगत सूचक ओरालो लागेको छ ।
आज होटल तथा पर्यटन समूहको सूचक सर्वाधिक १.०६ प्रतिशतले बढेको छ । यस्तै, उत्पादन तथा प्रशोधन समूहको ०.४५ प्रतिशत, निर्जीवन बीमा समूहको ०.१० प्रतिशत र बैकिङ समूहको ०.०८ प्रतिशतले समूहगत सूचक बढेको छ ।
यो पनि…
गत साता घटेको सेयर बजार यो साता के होला ?
डिम्याट खाता र मेरो सेयरको वार्षिक शुल्क नबुझाए खाता रोक्का
