दुर्गेश थापाका ५ अनौठा फ्यान



सेलिब्रेटी कलाकारका लाखौं फ्यान अर्थात प्रशंसक हुन्छन् । तर केही भने अचम्मकै हुन्छन् । जब फ्यानले आफ्नो सिमा नाघेर उट्पट्याङ काम गर्छन्, त्यसले स्वयम् सेलिब्रेटीहरू पनि कहिलेकाहीँ अप्ठ्यारोमा पर्छन् ।

लोकप्रिय गायक दुर्गेश थापालाई नचिन्ने सायद कमै होलान् । उनको फ्यान फलोइङ पनि धेरै छ । आफ्ना अनौठा ५ फ्यानलाई उनी यसरी सम्झन्छन् ।

५.खाना खान र स्कुल जान नमान्ने

मेरो एक बच्चा फ्यान यस्ता पनि थिए, जसले मलाई नभेटेसम्म खाना पनि नखाने र स्कुल पनि नजाने अड्डी लिन्थे । त्यसपछि उनको आमा–बुवाले मलाई फोन गरेर बोलाएका थिए । ४ वर्ष अघि म उनलाई भेट्न कैलाली पुगेको थिएँ । मैले उनलाई भेट्नु अघि उनी पास मात्र हुन्थे तर मलाई भेटेपछि उनी पढाईमा पनि ध्यान दिइरहेको जानकारी उनको बाबाले गराएका थिए । अहिले उनी स्कुलमा पहिला, दोस्रा भइरहेका छन् ।

४.फोटो खिच्ने बहानामा चुम्बन

बर्दियाको राजापुर भन्ने ठाउँको एक महिला फ्यानले फोटो खिच्ने निहुँमा मलाई चुम्बन गरेकी थिइन् । उनले फोटो खिच्नको लागि मलाई निहुरिन अनुरोध गरेर चुम्बन गरेकी थिइन् ।

३. प्रहरीको लाठी चार्ज बेवास्ता

करिब ४ वर्ष अघि धनगढीमा भएको महोत्सवमा मेरो एक महिला फ्यानले मसँग फोटो खिच्न प्रहरीको लाठी चार्जलाई पनि बेवास्ता गर्दै स्टेजसम्म आइपुगेकी थिइन् । प्रहरीहरूले रोक्दा पनि उनले आफ्नो फोटो खिच्ने इच्छा पुरा गरेकी थिइन् ।

२.परीक्षा नै छोड्ने फ्यान

मेरो एक जना यस्तो फ्यान पनि थिइन्, जसले मलाई भेट्न आफ्नो एसएलसी परीक्षा नै छाडेर आएकी थिइन् ।

१. अहिले मसँगै बस्ने फ्यान

म धनगढी महोत्सवमा जाँदा फोटो खिचेका एक फ्यानले मसँग खिचेको फोटो फेसबुकमा प्रोफाइल पिक्चर बनाएका थिए, जुन फोटो उनले ४ वर्षसम्म फेरेका थिएनन् । मलाई भेटेपछि मात्र उनले त्यो फोटो हटाएका थिए । ती ५ वर्ष अघिको मेरो फ्यान अहिले मसँगै बस्छन् । मसँगै बसेर पढ्छन् उनी । मेरो त्यस फ्यानको नाम रोशन ऐर, हो जोसँग मिलेर मैले ‘आमा’ गीत रेकर्ड गरिसकेको छु ।

पहिले पहिले प्रेम प्रस्ताव राख्ने फ्यानहरू पनि थिए तर अहिले विवाहपछि भने प्रेम प्रस्ताव राख्ने फ्यानहरू कम छन् ।



Leave a Reply

Your email address will not be published.

सम्बन्धित खबरहरु

धेरैको बानी हुन्छ कि उठ्ने बित्तिकै सबैभन्दा पहिले चिया वा कफी पिउने। धेरै मानिसहरू आफूलाई ताजा बनाउन खाली पेटमा चिया

मानव सभ्यताको विकास करोडौँ वर्ष पुरानो हो। आज तपाईँ हामीले देखेको सभ्यता धेरै प्रगतिशील र उन्नत छ, तर करोडौँ वर्ष

साताको पहिलो कारोबार दिन आइतबार सेयर बजार ३२.४३ अंकले बढेको छ। आज नेप्से परिसूचक १.६८ प्रतिशतले बढेर १९६५.९८ बिन्दुमा पुगेर

बेसार स्वास्थ्यका साथै छालाको लागि पनि निकै लाभदायक हुन्छ । अनुहारको सुन्दरता बढाउन बेसारको प्रयोग गर्न सकिन्छ । यसले छालाको

Suggested