वर्षामा यसरी गर्नुहोस् कपालको हेरचाह



पानी पर्ने मौसम सुरु भएसँगै तपाईंको कपालको हेरचाहमा अलि बढी समय छुट्याउनु पर्ने हुन्छ । पानी पर्ने मौसममा कपाल झर्ने समस्या सुरु हुन थाल्छ । कपाल चिल्लो हुने, चाँया पर्ने जस्ता समस्या पनि देखा पर्न थाल्छ । यस्तो अवस्थामा कपालको हेरचाह कसरी गर्ने र यसलाई चम्किलो र नरम कसरी बनाउने भन्ने विषयको बारेमा आज हामी कुरा गर्छौ ।

चाँया र कपाल झर्ने समस्या कसरी कम गर्ने ?

वर्षातको मौसममा माइल्ड स्क्याल्प ट्रिटमेन्ट स्याम्पुको प्रयोग गर्नुपर्छ । यस्तो स्याम्पुले कपालबाट फोहोर र अतिरिक्त तेल निकाल्ने काम गर्छ, यसले कपालमा चाँया पनि कम गर्छ । कपाल नुहाए पछि कपालमा कन्डिस्नरको प्रयोग गर्नुपर्छ, यसले कपाल नरम बनाउँछ । यसरी पनि कपाल झर्ने समस्या कम भएन भने स्पा तथा कपालको ट्रिटमेन्ट गरेर पनि कपाललाई स्वस्थ बनाउन सकिन्छ ।

वर्षातको मौसममा कपाललाई हेरचाह गर्ने केही टिप्स

– कपालमा स्क्याल्प ट्रिटमेन्ट स्याम्पुको प्रयोग गर्नुहोस् ।
– कपालमा स्याम्पुको प्रयोग गर्नु अघि कपाल पानीले राम्ररी भिजेको छ कि छैन भनेर चेक गर्नुहोस् ।
– कपाल नुहाउन चिसो पानीको प्रयोग गर्नुहोस्, तातो पानीको प्रयोगले कपाललाई हानी गर्न सक्छ ।
– कपालमा स्याम्पु लगाउँदा हल्का हल्का मसाज गर्नुहोस्, औंलाहरूलाई सर्कुलर मोसनमा घुमाएर मसाज गर्नुहोस् ।
– कपालको स्याम्पु पखालेर कपालमा कन्डिसनर लगाउनुहोस् र त्यसलाई १० देखि १५ मिनेटपछि पखाल्नुहोस् ।
– कपाललाई प्रकृतिक रूपमा सुक्न दिनुहोस्, ड्रायरको प्रयोग नगर्नुहोस् ।
– कपाल नुहाई सकेपछि कपालमा सिरम लगाउनु होस् ।
– कपालमा कन्डिसनर लगाउन बिर्सनु भयो भने पनि सिरमको प्रयोग भने गर्न बिर्सनु हुँदैन ।
– कपाल कोर्दा मोटो दाँत भएको काँइयोको प्रयोग गर्नुपर्छ ।
– कपाल कोर्दा शुरुवात कपालको टुप्पोबाट गर्नुपर्छ र पछि जरा कोर्नुपर्छ । यसो गर्दा कपाल झर्न कम हुन्छ ।
– घरबाट बाहिर निस्कनु अघि कपाललाई राम्ररी छोपेर निस्कनु पर्छ, जस्ले गर्दा कपाल नभिजोस् ।
– वर्षातको पानीमा कपाल भिजेको छ भने त्यही दिन नुहाएर राम्ररी सुकाउनु पर्छ ।

माथिका कुरा ध्यानमा राख्नुभयो भने तपाईंको कपाल झर्ने र चाँया पर्ने समस्या कम भएर जान्छ र कपाल स्वस्थ तथा बलियो हुन्छ ।



Leave a Reply

Your email address will not be published. Required fields are marked *

सम्बन्धित खबरहरु

सैनिक श्रीमती संघद्वारा शुक्रवार साँझ फरक क्षमता भएका बालबालिकाको सहयोगार्थ आर्मी अफिसर्स क्लब काठमाडौंमा एक बिशेष कार्यक्रम ‘वरदान सुर–सन्ध्या’को आयोजना

‘झट्ट हेर्दा न्याउरी मुसाजस्तै देखिने पानीमा बस्ने दुर्लभ प्राणी ‘ओत’ पहिले–पहिले चितवनमा पनि थियो भन्ने कुरा अङ्कलहरूबाट सुनेको थिए, योपटक

हिन्दु नारीहरुको महान पर्व तीजको अवसरमा सोमबार राजधानीस्थित पशुपतिनाथ मन्दिर परिसरमा बिहान करिव ३ बजे देखि नै भक्तजनहरुको ठूलो घुइँचो

धेरै जनालाई घर सजाउने मन हुन्छ, जसका कारण घरमा हरियो बिरुवा रोपेर घरको सौन्दर्य बढाउँछन् । यसबाहेक, घरको बाल्कोनी पनि