जिम्बावे ‘ए’ विरूद्ध नेपालको जित
नेपालले जिम्बावे ‘ए’ विरूद्धको एकदिवसीय सिरिज जितेको छ। तेस्रो तथा निर्णायक खेलमा नेपालले जिम्बावेलाई ६ विकेटले पराजित गर्दै सिरिज २–१ ले जितेको हो।
यसअघि पहिलो एकदिवसीय जिम्बावेले जित्दा दोस्रो खेलमा नेपाल विजयी भएको थियो।
सोमबार ३३ ओभरमा झारिएको खेलमा नेपालले जिम्बावेले दिएको २१४ रनको लक्ष्य ४ विकेटको क्षतिमा ३०.१ ओभरमा पूरा गर्यो।
नेपालको जितमा ओपनर कुशल भुर्तेलले ८४ रन जोडे। उनले ६१ बलमा ७ चौका र ४ छक्का प्रहार गरे। यस्तै आसिफ शेखले २९ रन जोड्दा दीपेन्द्रसिंह ऐरीले अर्धशतक प्रहार गरे। दीपेन्द्रले नटआउट ६० रन जोडे। उनले ४३ बलमा ४ चौका र ३ छक्का प्रहार गरे।
रोहित पौडेल डकआउट हुँदा विनोद भण्डारीले पनि नटआउट २८ रन जोडे। विनोदले २६ बलमा ३ चौका हिर्काए।
यसअघि भएको टी–२० सिरिज भने १–१ को बराबरीमा सकिएको थियो।
नेपालले आगामी महिना अमेरिकामा हुने आइसिसी विश्वकप क्रिकेट लिग-२ अन्तर्गत घरेलु टिम अमेरिका र ओमानविरुद्धको त्रिकोणात्मक एकदिवसीय सिरिजको तयारीका लागि जिम्बावेसँग खेलेको हो।
यो पनि
पहिलो टी–२० मा जिम्बावे ‘ए’ ले नेपाललाई हरायो
रियल मड्रिडलाई ला लिगाको उपाधि
