यी हुन् २०७७ मा नेपालमा भएका विपत्ति



सन् २०२० पूरै विश्वकै लागि एक चुनौतिको रुपमा देखा प-यो । २०२१ पनि चुनौति पूर्ण नै रहेको सर्वविधितै छ । विश्वभर छाएको कोभिड १९ महामारी साम्य हुँन नपाउँदै नयाँ परिमार्जित संस्करणका साथ दोस्रो लहरको संकेत देखिन थालेको छ ।

नेपालको सन्दर्भमा कुरा गर्न पर्दा यो २०७६ र २०७७ साल निकै कष्टकर रह्यो । नेपालमा गत वर्ष २०७६ साल माघ १० गतेबाट संक्रमण देखा परेको थियो । सोहि अनुरुप नेपालमा हाल सम्म २ लाख ८० हजार ५ सय २४ जना कोरोना संक्रमीत भए । ती मध्ये २ लाख ७४ हजार १ सय ६५ निको भएका छन् भने ३ हजार ५३ ले ज्यान गुमाएका छन् । नेपालले यो वर्ष कोरोना महामारी मात्र नभई अन्य विभिन्न समस्याहरूको पनि समना गर्नु प-यो ।

बर्ड फ्लू

वर्ष २०७७ को अन्तिम समयमा नेपालमा बर्ड फ्लूको प्रकोपले पनि किशानहरुलाई धेरै रुहायो । यस वर्ष पहिलोपटक नेपालमा बर्ड फ्लू काठमाडौंको तारकेश्वमा फेला परेको थियो । त्यसपछि क्रमशः नेपालका अन्य शहरमा पनि बर्ड फ्लू पुष्टि हुँदै गयो । बर्ड फ्लूले कारण हजारौँ कुखुरा मरे । कुखुरामा मात्र होइन, अन्य पंक्षीमा पनि बर्ड फ्लू पुष्टि भएको थियो ।

भोकमरी

नेपालमा कोरोनाका कारण ज्यान गुमाउने मात्र भएनन्, लकडाउनका कारण व्यापार व्यवसाय ठप्प भए सँगै व्यापारी, कर्मचारी र मजदूरले भोक भोकै धेरै बिताउनु प-यो । यसको मार सबै भन्दा धेरै ज्याला मजदूरी गर्ने वालाहरूलाई प¥यो । न त उनीहरूको साथमा सरकार थिया, न त कुनै किसिमको सामाजिक सुरक्षा कोष । यद्यपी केहि महिना पश्चात भोकमरीको अवस्था सिर्जना हुनै लाग्दा सरकारको तर्फबाटछ राहतको व्यवस्था भने भएको थियो ।

सलह आतङ्क

२०७७ असार १४ गते भारत हुदैँ हजारौँको सङ्ख्यामा नेपाल भित्रिएको थियो । सुरुमा पूर्वी भागका तराई क्षेत्रमा रहेका बारा र पर्सा जिल्लामा देखिएको सलह बिस्तारै अन्य जिल्लाहरूमा पनि फेला परेको थियो । ४० भन्दा बढी जिल्लामा फैलिएका सलहले चितवन, पाल्पा, मकवानपुर र अर्घाखाँची जिल्लामा करोडौँको बालीनाली नष्ट गरेका थिए ।

पहिरो

असार र साउन महिनामा सिन्धुपाल्चोक जिल्लामा धेरै बाढी पहिरो गयो । जसमा थुुर्पैले ज्यान समेत गुमाए । जुगल गाउँपालिका–२ लिदीमा साउन महिनामा शुक्रवार बिहान खसेको पहिरोमा परी १८ जनाले ज्यान गुमाएका थिए । त्यस्तै सिन्धुपाल्चोकको बाह्रबिसे नगरपालिका–७ घुम्ताङ पहिरोमा परी एक सय भन्दा धेरै परीवार विस्थापित भएसँगै १४ जना भन्दा बढिले ज्यान गुमाए । पाँचपोखरी थाङपाल गाउँपालिका वडा नं ८ तिपेनी बजारमा पनि साउन १८ गते गएको भिषण पहिरोले ३१ घर क्षति भएको थियो ।

कोरोनाको दोस्रो लहर

नेपालमा मङ्सीर महिना देखि कोरोनाको पहिलो लहर साम्य हुँदै गयो । तर कोभिड १९ को युके भेरीयन्ट अर्थात बी.१.१.७ नेपालमा पुनः माघ महिनामा देखा प¥यो । त्यसपश्चात युके भेरीयन्ट भाइरसको संक्रमण पुनः बढ्दो छ । यसलाई विज्ञहरू कोरोनाको दोस्रो लहर भन्छन् । हाल यो भाइरसको संक्रमण खासगरी विद्यार्थी र शिक्षकमा बढ्दो छ, जुन समुदाय स्तरमा समेत पुगि सकेको स्वास्थ्य मन्त्रालयले जनाएको छ ।

डढेलो

सुख्खायामसँगै चैत्र महिना भित्र मात्रै देशका विभिन्न क्षेत्रमा डढेला सल्केको छ । नुवाकोट र रसुवाका अधिकांश जङ्गल, काठमाडौंको उत्तरी क्षेत्रमा रहेको नागार्जुन जङ्गल, तनहुँको भानु नगरपालिका ४ स्थित आहालडाँडा सामुदायिक वन, सिन्धुली जिल्लाको चुरे भावर क्षेत्र लगायत देशका विभिन्न क्षेत्रमा डढेलोले करोडौँको क्षती पु¥याएको छ ।

वातावरण तथा वायु प्रदूषण

भर्खरै मात्र यसै चैत्र महिनामा उपत्यकामा प्रदूषित हावा जाम भए पछि काठमाडौँ विश्वको सबैभन्दा धेरै वायु प्रदूषण भएको सहर समेत बन्यो । त्यतीबेला नेपालमा पश्चिमी वायुको प्रभाव थियो । तर सो वायु पानी पर्ने गरि सक्रिय नरहँदा औद्योगिक गतिविधिहरु र सवारीको चाप र वनहरूमा लागेको डढेलो र नेपाल बाहिरबाट भित्रिएका धुलोका कणसहित वायु प्रदूषण गराउने तत्वहरुका कारण वायुु तथा वातावरण प्रदूषण भएको हो ।



Leave a Reply

Your email address will not be published. Required fields are marked *

सम्बन्धित खबरहरु

विश्व पर्यटन दिवस २०२३ को अवसरमा च्यासा मंका खंलले धिमे बाजाको धुनमा नेवारी लोकप्रिय गीत ‘सचिका चिना’ प्रस्तुत गरेर सहभागी

हरेक वर्ष सेप्टेम्बर २९ का दिन विश्व मुटु दिवस मनाउँदै आइएको छ । नेपालमा पनि विभिन्न चेतनामूलक कार्यक्रमहरू आयोजना गरी

४४औँ विश्व पर्यटन दिवसको अवसरमा बुधवार राजधानीस्थित कीर्तिपुरमा ‘संरक्षणको लागि साँझपखको हिँडाइ’ सम्पन्न भएको छ । कार्यक्रममा संरक्षण विज्ञ अनिल

मंगलबार साँझ हिमालयन उद्धार संघको व्हाट्सएप ग्रुपमा बुधबार बिहान पाटनढोकामा हुने ४४ औँ विश्व पर्यटन दिवस ‘प्रभातफेरी’ मा सहभागी हुन