म्याक्रोँ पुनः राष्ट्रपतिमा निर्वाचित भएपछि फ्रान्समा प्रदर्शन
इम्यानुएल म्याक्रोँ पुनः फ्रान्सको राष्ट्रपतिमा निर्वाचित भएपछि राजधानी पेरिसमा प्रदर्शनहरू शुरु भएका छन् । असन्तुष्ट समूहले गरेका प्रदर्शनहरू नियन्त्रण गर्न प्रहरीले बल प्रयोग गरेको छ ।
मध्यपेरिसमा प्रदर्शनकारीहरूमाथि दंगा पुलिसले लाठी प्रहार गरेको र अश्रुग्यास छर्केको भिडियो सामाजिक सञ्जालमा देख्न सकिन्छ ।
म्याक्रोंले अति दक्षिणपन्थी नेता मारिन ली पेनलाई पराजित गर्दै दोस्रो पाँच वर्षे कार्यकालका लागि विजयी भएका थिए । उनको पुनः विजयले फ्रान्सलाई ठूलो राजनीतिक उथलपुथलबाट जोगाएको केहीको विश्लेषण छ । तर, कतिपय भने पछिल्लो परिणामबाट आक्रोशित बनेका छन् ।
म्याक्रोंले सहज मतान्तरले जिते पनि दुबै उम्मेदवारप्रति मतदाताको तीव्र असन्तुष्टि थियो । दुवै उम्मेदवारप्रति असन्तुष्ट जनाउँदै पहिलो चरणको मतदान र आइतवार दोस्रो चरणको निर्वाचन भइरहँदा विद्यार्थीहरूले पेरिसको सोर्बोन र अन्य विश्वविद्यालयबाहिर विरोध प्रदर्शन गरेका थिए ।
यो पनि
रुसद्वारा युक्रेनमाथि रातभरि क्षेप्यास्त्र वर्षा
श्रीलंकामा प्रदर्शनकारीमाथि गोली चल्यो, एकको मृत्युपछि कर्फ्यू
