English

कसरी गर्ने थोरै समयमा घरको सरसफाई ?



सफा घर सबैलाई मनपर्छ । तर, धेरैको गुनासो हुन्छ, जति मिहिनेत गरेर, जति सफा गरे पनि घर एकछिनमै फोहर हुन्छ । थोरै समय र कम मिहिनेतबाट पनि घर सफा गर्न सकिन्छ । जान्नुहोस् ५ टिप्स ।

धुलोलाई पछि सफा गर्छु भनेर छोड्नु हुन्न

पहिले झाडु–पोछा लगाउने अनि पछि धुलो झार्ने बानी धेरैको हुन्छ । तपाईंहरूलाई लाग्न सक्छ थोरै काम त हो धुलो पुछ्ने । तर, यो काम कति पटक तपाईले दोहोराएर पनि गर्नुपर्ने हुन सक्छ । किनकी पहिले अरु सफाई सकेर धुलो झार्दा त्यो धुलो फेरी सामानहरूमा टाँसिन सक्छ । त्यसैले, पहिले सामानको धुलो पुछेर मात्र अरु सफाई गर्नुपर्छ ।

एउटै कपडाले धेरै सामान सफा गर्नु हुँदैन

सफाई गर्ने बेला धेरैले यो गल्ती गरिरहेका हुन्छन् । एउटै कपडाले टिभी सफा गरेर फेरी त्यही कपडाले टेबल तथा अन्य सामान पुछिन्छ । यसो गर्दा एउटा सामानमा लागेको धुलो बाँकी सामानमा पनि लाग्छ । त्यसैले एउटै कपडाले धेरै सामान सफा गर्न हुँदैन ।

स्टील सफा गर्ने तरिका

स्टीलको भाँडा होस् वा ग्यास चुलो सबैलाई हामी घुमाएर पुछ्छौ । यसरी घुमाएर पुस्दा दाग बस्छ । स्टीललाई राम्ररी पुछ्ने तरीका भनेको सिधा गरेर हो, घुमाएर हैन । यसरी सिधा पुछ्दा दाग बस्दैन । सानो तर जरुरी सामानहरू सफा गर्न बिर्सन हुँदैन ।

सफाई गर्दा प्रायः हामी साना सामानहरू सफा गर्न बिर्सन्छौ । जस्तै–बत्ति, रिमोट, कुर्सीको खुट्टाको भागहरू आदि । यसलाई पनि सफाई गर्न बिर्सिनु हुन्न । नत्र तपाईले गर्नु भएको अरु सफाई पनि ब्यर्थ हुन्छ । त्यसैले साना सामानहरूलाई पहिले सफा गर्नुपर्छ ।

किचनको सफाई गर्दा पहिले भुँइको सफाई गर्न हुन्न

किचनमा प्राय हामी पहिले भँुइको सफाई गर्छौ र पछि भाँडा माझ्छौ । यसो गर्दा पछि फेरि भुँइ फोहोर हुने सम्भावना हुन्छ । त्यसैले, पहिले भाँडा तथा अन्य सफाई सकेर मात्र भुँइको सफाई गर्नुपर्छ । यसरी थोरै समय र कम मिहिनेतबाट घर सफा गर्न सकिन्छ ।



Leave a Reply

Your email address will not be published. Required fields are marked *

सम्बन्धित खबरहरु

काठमाडौँ : नेपालको अग्रणी डिजिटल भुक्तानी सेवा प्रदायक इसेवाले नेपाल प्रिमियर लिग (एनपीएल) २०२६ मार्फत दुर्लभ तथा सङ्‌कटापन्न वन्यजन्तु रेड

हङकङ — ‘सगरमाथालाई अनुभव गरौँ, रसुवालाई सहयोग गरौँ’ भन्ने नारासहित नेपाली वृत्तचित्र ‘रोड टु एभरेष्ट’को विशेष प्रदर्शन आइतबार हङकङमा सम्पन्न

काठमाडौं, १३ कात्तिक । रिपोर्टर्स क्लब नेपालले विभिन्न सञ्चारगृहमा प्रहरी प्रवेश गरी पत्रकारहरूलाई नियन्त्रणमा लिएको घटनाप्रति गम्भीर आपत्ति जनाएको छ।

नेपाली प्रयोगकर्ताका लागि तयार गरिएको नेपा एप (Nepa App) को नयाँ अपडेटमा दैनिक जीवनलाई सहज बनाउने विभिन्न नयाँ डिजिटल सेवा

Latest










Popular
Suggested