अन्तर्राष्ट्रिय घोडचढीका लागि खेलाडी तयार गर्छौं

घोडचढी संघलाई अन्तर्राष्ट्रिय मान्यता


नेपाल इक्वेस्ट्रियन (घोडचढी) संघका अध्यक्ष हुन् रवि राजकर्णिकार । भर्खरै उनले नेतृत्व गरेको संघले अन्तर्राष्ट्रिय मान्यता समेत प्राप्त गरेको छ । घोडेजात्राको अवसरमा घोडचढी संघका उनै अध्यक्ष रवि राजकर्णिकारसँग गरिएको छोटो कुराकानीः

घोडेजात्रालाई कसरी सम्झनु र बुझ्नु हुन्छ ?

– प्राचीनकालदेखिको ‘लिगेसी कन्टिन्यू’ भएको हो । हाम्रो संस्कृतिको झल्को पनि दिन्छ यसले । सेनाका राइडरहरूले टुँडिखेलमा रोमाञ्चक खेल देखाउँछन् ?

सेनाले घोडचढीको खेल देखाउने तर सर्वसाधारणले हेर्न नपाउने । यसको अर्थ छ र ?

– म मुलुक बाहिर थिएँ । यही हेर्न भनेर हिजो मात्र आइपुगेको हुँ । तर मैले पनि हेर्न पाईंन ।

आम सर्वसाधारणलाई टुँडिखेलको घोडेजात्रा देखाउन सक्दा राम्रो हुन्छ । अझ स्टुडेन्टलाई देखाउन पाउँदा उनीहरूमा रुची जगाउन सकिन्थ्यो कि भन्ने हो ।

घोडचढी संघको अध्यक्ष समेत टुँडिखेलको घोडेजात्रा हेर्नबाट बञ्चित हुनुपर्यो किन ?

– सुरक्षाका कारणले होला वा कोरोनाको डरले हो, एक सय ५० जना भिआइपी र भिभिआइपी मात्र सहभागी हुने भन्ने सुनेँ । मलाई आधिकारिक रूपमा केही थाहा छैन । यो उहाँहरूको आन्तरिक मामिला हो ।

भनेपछि सेनाको घोडेजात्रा र घोडचढी संघको नाता प्रमाणित भएको छैन ?

– त्यस्तो देखिन्छ । तर अघि पछि नेपाली सेनाको ठूलो सहयोग छ, हाम्रो संघलाई । हामीले काठमाडौं र पोखरामा गरी बर्षमा दुईवटा च्याम्पियनसीप गर्दै आएका छौं । यी कार्यक्रम भव्य रूपमा सम्पन्न हुनुमा नेपाली सेनाकै देन रहेको छ ।

नेपाली सेनामा सीमित भएर घोडचढी संघको अस्तित्व निर्माण होला र ?

– यो महँगो खेल हो । घोडाको मूल्य र यसलाई पाल्न लाग्ने खर्च धेरै ठूलो छ । त्यसकारण सितिमिति कसैले आँट गर्दैन । तर पनि हामी अब चाहिँ केही ब्यवस्थापनमा लागेका छौं । पोनी (स्थानीय घोडा) रेस पनि गर्दै आएका छौं नि !

घोडचढीको विकासमा कसरी लाग्दै हुनुहुन्छ ?

– अब नेपालीहरूले पनि घोडा पाल्नुपर्छ भन्ने हो । घोडा पाल्न रुची भएका सातजनासँग मेरो कुरा भइरहेको छ । उहाँहरु मध्ये ५ जना नेपाली हुनुहुन्छ । एउटा मोडेल बनाएर उहाँहरूलाई घोडा पाल्ने वातावरण बनाउछौं ।

पोनी रेसलाई कन्टिन्यू गर्छौं । अन्तर्राष्ट्रिय प्रतियोगिताका लागि खेलाडी तयार गर्छौं ।

विदेशमा हुने प्रतियोगितामा घोड़ा लैजान सकिन्छ त ?

– त्यो त सकिदैन । तर यहाँ खेलाडी उत्पादन गर्न सकियो भने अन्तर्राष्ट्रिय प्रतियोगिताहरूमा भाग लिन सकिन्छ । खेलाडीलाई विदेशमा केही अघि पठाएर उतैको घोडामा अभ्यस्त गराउन सकिन्छ । हामीले नै घोडा लिएर जाने क्षमता छैन । तर, उपायहरू छन् ।

संसारको ‘ट्रेन्ड’ चाहिँ कस्तो छ ?

– मैले भर्खरै इण्डियाको केही तबेला घुमेर आएको छु । तपाईं ‘विलिभ’ गर्नुहुन्न होला, त्यहाँ मैले १२ करोडसम्मको एउटै घोडा देखेँ ।

हुनेखानेहरूको कुरा अर्कै हुन्छ । उनीहरू त घोडा लिएर पनि जान्छन् प्रतियोगितामा । हामीले आफ्नै घोडा लिएर जान नसकेपनि उपाय चाहिँ छन् ।

नेपालमा घोडा र राइडरहरूको अवस्था के छ ?

– करिव २ सय ५० घोडा छन् भन्ने हाम्रो तथ्याङ्कमा छ । राइडरहरू पनि सेनामा निर्भर हो । केही बर्षमा नेपाली सेना बाहिरबाट पनि राइडरहरू तयार हुने अवस्था छ ।

कहाँबाट उत्पादन हुँदैछन् राइडर ?

– दुईवटा स्कूल पनि छन् घोडचढीका । ती स्कूलहरूले उत्पादन गर्दैछन् । फाजिल मोहमद र निरोजजीहरू यसैमा लाग्नु भएको छ ।

घोडापालन औधि महँगो छ नि होइन ?

– दुई–तीन करोडका गाडी चढ्नेहरू धेरै छन् नेपालमा । यस हिसावमा घोडा महँगो छैन । १२ करोडसम्म पर्छ एउटै घोडाको । तर हामीलाई २–३ लाखको घोडाले काम चल्छ । पाल्न चाहिँ अलि महँगो छ । मलाई लाग्छ, एउटा घोडा पाल्न मासिक १ लाखजति खर्च हुन्छ । तर मुल कुरो पैसा होइन, प्यासन हो ।

तपाईंको कार्यकालमा केही हुनेवाला छ त ?

– निश्चय नै म मेरो कार्यकालमा केही न केही रिजल्ट दिन्छु । जस्तो भर्खरै अन्तर्राष्ट्रिय मान्यता पाएका छौं । नेपाल आलम्पिक कमिटीबाट पनि मान्यता पायौं । अब भनेको खेलाडी उत्पादन गरेर अन्तर्राष्ट्रिय प्रतियोगिताहरूमा प्रतिस्पर्धा गर्ने हो । हामी सक्छौं भन्नेमा म पूर्ण आशावादी छु ।



Leave a Reply

Your email address will not be published.

सम्बन्धित खबरहरु

निद्रा नलाग्ने समस्यालाई स्वास्थ्यका लागि निकै गम्भीर मानिन्छन् । अनिद्रा पनि धेरै रोगहरू को लागी एक उत्तेजक कारक को रूपमा

यस धर्तीमा यस्ता रहस्य छन्, जसको बारेमा वैज्ञानिकले पनि आजसम्म पत्ता लगाउन सकेका छैनन् । संसारभरका नदी र तालहरूमा धेरै

बुधबार सेयर बजार १६.६१ अंकले घटेको छ। आज नेप्से ०.८६ प्रतिशतले घटेर १९१७.२८ बिन्दुमा पुगेर बन्द भएको हो। नेप्से परिसूचक

कपाल झर्नु एक समस्या हो, जसको कारण प्रत्येक व्यक्ति समस्यामा परेका छन् । उनीहरू यसबाट छुटकारा पाउन चाहन्छन् तर मानिसले

Suggested