८ अभिनेत्री जसले देखाए ‘बेबी बम्प’
‘यु क्यान स्टप आस्किङ नाउ, एस वि आर प्रेग्नेन्ट’ भन्दै अभिनेत्री प्रियंका कार्कीले केही दिन अघि ‘बेबी बम्प’को तस्विर फेसबुकमार्फत सार्वजनिक गरिन् । श्रीमान आयुष्मान देशराज जोशीसँगैको उक्त तस्विर एकाएक सामाजिक सञ्जालमा भाइरल बन्यो । श्यामश्वेत उनको त्यो तस्विर सार्वजनिक भएसँगै कतिले मजाक उडाए भने धेरैले प्रशंसा र उनलाई बधाईको ओइरो खन्याए ।
हलिउड र बलिउडमा बेबीबम्प देखाएर फोटोसुट गर्ने चलन पुरानो हो । तर, नेपाली समाजले भने यसलाई अझै स्वीकारीसकेको अवस्था छैन । गाउँघरका महिलाहरू अझै पनि गर्भावस्थाका बारेमा खुल्न हिच्किचाउँछन् । तर, बेबीबम्पको फोटो सुटको सोख नेपाली सिने क्षेत्रका अभिनेत्रीहरूमा देखिन थालेको छ । त्यसो त बेबी बम्पको फोटो सार्वजनिक गर्ने अभिनेत्री कार्की नै पहिलो होइनन् ।
प्रियंका अघि अभिनेत्री निशा अधिकारी पनि बेबी बम्प तस्विर सार्वजनिक गर्दै चर्चामा आएकी थिइन् । ०७४ असार १६ मा क्रिकेटर शरद भेषवाकरसँग विवाह बन्धनमा बाँधिएकी थिइन् अधिकारी । उनले आफू आमा बन्न लागेको जानकारी ०७५ पुस १७ मा बेबी बम्प तस्विर अमेरिकाबाट सार्वजनिक गरेकी थिइन् । ‘जुन दिनदेखि मेरो पेटमा बच्चा बस्यो, सोही दिनदेखि म आमा भइसकेकी छु,’ भन्दै उनले त्यतिबेला फेसबुकमा स्टाटस लेख्दै फोटो सेयर गरेकी थिइन् । उनको छोरा निशाशरद अहिले २ वर्षका भइसकेका छन् ।
प्रियंका र निशाजस्तै बेबीबम्प तस्विर सार्वजनिक गर्ने अभिनेत्रीहरूको बारेमा यहाँ चर्चा गरिएको छ ः
सञ्चिता लुईंटेल
अभिनेत्री सञ्चिता लुईंटेलले अभिनेता निखिल उप्रेतीसँग सन् २००९ मा सुटुक्क विवाह गरेकी थिइन् । २०११ अगस्ट २१ मा उनले पहिलो सन्तानको रूपमा छोरालाई जन्म दिइन् । छोरा जन्मिनुभन्दा अघि उनले हर हर महादेव लेखिएको पहेंलो वस्त्र बेरेर बेबी बम्प तस्विर सामाजिक सञ्जालमार्फत सार्वजनिक गरेकी थिइन् । उनको छोरा अथर्व उप्रेती ११ वर्षका भएका छन् भने छोरी सानवी ९ वर्षकी भइन् ।
सिर्जना सुब्बा
रङमञ्चबाट आफ्नो अभिनय यात्रा सुरु गरेकी अभिनेत्री सिर्जना सुब्बाले फिल्मकर्मी पदम सुब्बासँग विवाह गरेकी हुन् । उनी पनि बेबी बम्प देखाउने अभिनेत्रीमा पर्छिन् । ०७६ कार्तिक १४ मा उनले प्रेगनेन्सी फोटोसुट गरेकी थिइन् । उनले विभिन्न पोजमा खिचिएको गर्भावस्थाको विशेष फोटो फेसबुकमा सार्वजनिक गर्दै ‘माया नै माया छ तिम्रो नाममा’ क्याप्सन लेखेकी थिइन् ।
युना उप्रेती
लामो समयदेखि अमेरिका बस्दै आएकी अभिनेत्री युना उप्रेतीले पनि बेबी बम्प देखिएको फोटो सामाजिक सञ्जालमा शेयर गरेकी थिइन् । उनले फोटो सेयर गर्दा लेखेकी थिइन् ‘मेरो बच्चाले मलाई आमाको रूपमा जन्म दिइसकेको छ । आमा बन्नु सौभाग्यको कुरा हो । म मा धेरै परिर्वतन आएको छ । म आफूलाई पहिलाको भन्दा सुन्दर, मायालु अझ बलियो र शक्तिले भरिपूर्ण पाइरहेकी छु ।’ ०७५ मा उनले छोरीलाई जन्म दिएकी थिइन् ।
ऋचा घिमिरे
निर्देशक शंकर घिमिरेसँग विवाह गरेकी अभिनेत्री ऋचा घिमिरे लामो समयदेखि अमेरिकामा छिन् । २ दर्जनभन्दा बढी चलचित्रमा अभिनय गरिसकेकी अभिनेत्री घिमिरेले अमेरिकाबाटै बेबी बम्प तस्विर सामाजिक सञ्जालमा सेयर गरेकी थिइन् । उनीे तीन सन्तानकी आमा भइसकेकी छिन् । उनले आफ्नो पहिलो सन्तानलाई नेपालमा नै जन्म दिएकी थिइन् भने अन्य दुई सन्तान अमेरिकामा जन्माएकी हुन् ।
जेनिशा मोक्तान
पूर्व मिस नेपाल तथा अभिनेत्री जेनिशा मोक्तानले ०७५ मा व्यवसायी डिकेश मलहोत्रासँग विवाह गरेकी हुन् । उनले पनि अन्य अभिनेत्रीहरूले जस्तै बेबी बम्पको तस्बिर सामाजिक सञ्जाल मार्फत सार्वजनिक गरेकी थिइन् । जेनिशाकी छोरी तीन वर्षकी भइसकिन् ।
क्षितिजा शाक्य
टेलिभिजनबाट अभिनय यात्रा सुरु गरेकी क्षितिजा शाक्य पनि बेबी बम्प देखाउने अभिनेत्रीमा पर्छिन् । उनी अहिले २ सन्तानको आमा भइसकेकी छिन् । अभिनेत्री तथा फेसन डिजाइनर शाक्य यतिबेला आफ्नै बुटिकमा व्यस्त छिन् ।
AnGepay
cialis online prescription In preliminary experiments, we found decreased 45 Ca uptake in the 154H variant but not in A563T, without changing membrane surface expression of TRPV5 proteins Y