रूस–युक्रेन द्वन्द्व : ८० प्रतिशत भवन क्षतिग्रस्त
रूसी सेना युक्रेनको महत्त्वपूर्ण शहर मारिओपोलको केन्द्रमा पुगेपछि त्यहाँ दुई पक्षबीच सङ्घर्ष भइरहेको छ । यसबारे रूसी सञ्चारमाध्यमले जानकारी गराएका छन् ।
मारिओपोलका नगरप्रमुखले भाडिम बोइचेन्कोले बीबीसीसँग शहरको केन्द्रमा सङ्घर्ष भइरहेको पुष्टि गरे ।
‘शहरको केन्द्र बाँकी छैन । शहरमा युद्धको प्रभाव परेको नदेखिने एउटा सानो ठाउँ पनि छैन,’ उनले भने ।
यद्यपि गत साता रूसी सैनिकहरू युक्रेनमा खासै अघि बढ्न नसकेको सैन्य विश्लेषकहरूले बताएका थिए ।
युक्रेनका राष्ट्रपति भोलोदिमिर जेलेन्स्कीले रूसी पक्षले गोलाबारी गरिरहेकाले अझै पनि मारिओपोलबाट गैरसैनिक नागरिकहरूलाई सुरक्षित रूपमा अन्यत्र जान बाटो दिन नसकिएको बताएका छन् ।
यो पनि
रूस–युक्रेन द्वन्द्व : यस्ता छन् पछिल्ला घटना
