म्यानमार : विरोधको अर्को रुप लिएर मैदान उत्रिइन् ब्यूटी क्वीन
म्यानमारमा सैनिकले गरेको सत्ता कब्जाकोविरुद्धको विद्रोह सोमवार (६५) औँ दिन पनि जारी रह्यो । दमनविरुद्ध विरोधमा उत्रिएका नागरिकलाई सैनिकले दमन गरिरहेको छ ।
अहिलेसम्म ५५० भन्दा धेरै जनाको मृत्यु भइसकेको छ । र पनि आम नागरिक झुकेका छैनन् । बिरोधमा उत्रिएकी १६ वर्षीया युवतीलाई पनि सेनाले गोली हानेर मारेको थियो । १६ वर्षीया ननले आन्दोलनमा भनेकी थिइन् कि मलाई मार, कि मलाई बन्द गर ।
अब यो संग्राममा नयाँ अनुहार देखिएको छ । उनी हुन् म्यानमारकी ब्यूटी क्वीन । थाइल्याण्डको राजधानी बैंककमा शनिवार मिस ग्राण्ड इन्टरनेशनल ब्यूटी पीजेन्ट थियो । यसमा मिस ग्राण्ड म्यानमारकी २२ वर्षीया ह्यानले देशलाई सहयोग गर्न अपील गरेकी थिइन् ।
उनले भनिन्, ‘आज म यहाँ स्टेजमा छु, तर मेरो देश म्यानमारमा मानिसलाई मारिरहिएको छ, ज्यान गुमाउनेहरु प्रति दुःख व्यक्त गर्दछु, हामीलाई तत्काल अन्तर्राष्ट्रिय सहयोगको आवश्यक छ ।’
