रूसबारे नेटो के भन्छ ?
उत्तर एटलान्टिक सन्धि संगठन नेटोका महासचिव जेन्स स्टोल्टनबर्गले जैविक हतियार प्रयोगशालाको झुट बहानामा रूसले रासायनिक हतियार सञ्चालनको योजना बनाउन सक्ने बताएका छन् ।
‘पछिल्ला दिनमा हामीले रसायनिक र जैविक हतियार प्रयोगशालाबारे बेतुकका दाबी सुनेका छौं’, जर्मनीको एउटा पत्रिकालाई अन्तर्वार्तामा उनले भने ।
‘अहिले यी झुटदाबी गरिएका छन् । हामी सतर्क हुनुपर्छ, किनकी रूस आफैंले यो बनाबटी झुटअन्तर्गत रासायनिक हतियार सञ्चालनको योजना बनाउन सक्छ,’ उनले भने ।
युक्रेनी जनताले साहसका साथ रूसी हमलाको प्रतिरोध गरे पनि आगामी दिनले अझ ठूलो कठिनाइ ल्याउन सक्ने उनले बताए ।
‘यस द्वन्द्वलाई युक्रेनको सिमानाबाहिर रूस र नेटोबीच पूर्णयुद्धमा परिणत हुनबाट रोक्न हाम्रो दायित्व छ,’ नेटो प्रमुखले भने ।
यो पनि…
रुसले चीनसँग सैन्य सहयोग माग्यो : अमेरिका
