English

जनप्रतिनिधिप्रति कस्तो छ ग्रामीण महिलाको सोचाइ ?



सरकारले स्थानीय तहको निर्वाचन ३० वैशाखमा गर्नेगरी घोषणा गरेको छ । यदि निर्धारित मितिमै निर्वाचन भए अबको ७५ दिनमा स्थानीय तहको निर्वाचन सम्पन्न हुनेछ ।

निर्वाचनको मिति नजिकिएसँगै करिब पाँच वर्षदेखि केन्द्रमै रहेका नेताहरू गाउँ पस्न थालेका छन् । तर गाउँमै रहेका मतदाता भने जनप्रतिनिधि र निर्वाचन प्रक्रियादेखि रुष्ट छन् । सप्तरीको ग्रामीण भेगमा बस्ने महिलाहरूले यस्ता निर्वाचनले उनीहरूलाई कुनै अर्थ नराख्ने गुनासो गरेका छन् ।

राजविराज नगरपालिका–१ की ८० वर्षीया बेचनीदेवी खंग गत शनिबार बिहान थर थर काम्दै गोठको धन्दा गर्दै थिइन् । आँगनमा रहेका पुरुषहरू भने स्थानीय तहको निर्वाचनको विषयमा गर्मागर्मी बहस गरिरहेका थिए । त्यो बहसको आवाज उनको कानमा परे पनि वास्तै नगरी आफ्नै धुनमा काम गरिरहेकी थिइन् ।

उनी भन्छिन्, ‘मैले त चुनावमा मत खसाल्न थालेको ६० वर्ष भयो । सुरुसुरुमा त आफ्नो मान्छेलाई जिताए सहयोग होल की जस्तो लाग्थ्यो ।’ तर मत दिएर जिताए पनि कसैको सहयोग नगरेको उनको दुखेसो छ । ‘जितेपछि आफ्नै नातागोतालाई मात्र सहयोग गर्ने रहेछन् । अब त मर्ने बेला भयो कसैलाई मत हाल्न मन छैन,’ उनले भनिन्

सोही ठाउँकी ६५ वर्षया श्रद्धादेवी खंगले भनिन्, ‘जुन चुनाव आए पनि कमाएर आफैंले खानु पर्ने हो । जितेको जनप्रतिनिधिले केही सहयोग गर्नु त, कता कता अन्याय पर्दा पनि उभिदिँदैनन् ।’ उनका अनुसार अन्यायमा परेको बेलासमेत जनप्रतिनिधि यथार्थ कुरा बोलिदिँदैन् । ‘यसो हो भने किन चाहियो चुनाव र जनप्रतिनिधि ?’ उनको प्रश्न छ ।

राजविराज–८ की ४५ वर्षीया अनिता यादव भोट माग्ने बेलामा मात्र जनप्रतिनिधिले जनतालाई खोज्ने र बाँकी समय आफैं हराउने गरेको बताइन् । यस्तो प्रवृत्ति जबसम्म रहन्छ तबसम्म चुनावप्रति सकारात्मक हुन नसकिने उनको भनाइ छ ।

निर्वाचनका बेला उम्मेदवारहरूले मिठामिठा कुरा गर्छन् । जनताको घरघरमा पुगेर नमस्कार गर्छन् । जितेपछि नदेखे जस्तो गरी हिँड्ने गरेको ५० वर्षीया ममता मण्डलले बताइन् ।

प्रजातान्त्रिक अभ्यास जनताले आफ्नो मताधिकार प्रयोग गरे पनि उनीहरूको मताधिकारको व्यवहारमा सदुपयोग हुन नसकेको अधिवक्ता राजेन्द्रप्रसाद देव बताउँछन् ।

अधिवक्ता देव भन्छन्, ‘तपाईंलाई किन मत ? भन्ने प्रश्नमा उम्मेदवारहरूले आ–आफ्ना घोषणापत्रमा ठूलाठूला काम गर्ने दावी गरे पनि व्यवहारमा लागु गर्न नसकेकाले चुनावप्रतिको उत्साह घट्दै गएको छ ।’

यो पनि
वैशाखसम्म पूर्ण खोपको व्यवस्था गर्न सरकारलाई निर्देशन



Leave a Reply

Your email address will not be published. Required fields are marked *

सम्बन्धित खबरहरु

हालसालै सम्पन्न विश्व प्रसिद्द कान्स फिल्म फेस्टिभलको ७७ औँ श्रृङ्खलामा काठमाडौँ महानगरपालिकाका मेयर बालेन्द्र शाह (बालेन) ले सहभागी जनाएको कुराले

गायक सुरेश लामाको सुमधुर स्वरमा सजिएको ‘माया बस्यो’ बोलको म्युजिक भिडियो सार्वजनिक भएको छ।  युवा प्रेम र आकर्षणको भावानालाई व्यक्त

नोबेल पुरस्कार विजेता यासुनारी कावावाताले उपन्यास ‘स्नो कन्ट्री’ मा देश सुन्दर हुने तीनवटा तत्व उल्लेख गरे–प्रकृति,संस्कृति र परिवेश । लाग्छ–साहित्यकार

तमु समुदायको ऐतिहासिक चाड बैशाख पूर्णिमाका अवसर पारेर तमु ट्हो ह्युल हङकङले आफ्नो २६ औं वार्षिकोत्सव मनाएको छ । उक्त