‘महामूर्ख’ पहाडलाई दिएको सम्मान हो– हरिवंश आचार्य



मह (मदनकृष्ण श्रेष्ठ र हरिवंश आचार्य) जोडी यस वर्षको ‘महामूर्ख’ घोषित भएका छन् । मिथिला नाट्यकला परिषद् (मिनाप) ले होलीको अवसरमा हरेक वर्ष आयोजना गर्दै आएको ‘महामूर्ख सम्मलेन’ले महलाई यो सम्मानवाट विभूषित गरेको हो ।

महामूर्ख घोषित भएपछि अभिनेताद्वय महका ‘ह’ अर्थात् बरिष्ठ अभिनेता हरिवंश आचार्य के भन्छन् त ? प्रस्तुत छ, हाम्रा संवाददाताले उनीसँग टेलिफोनबाट गरेको छोटो कुराकानी –

महामूर्ख घोषित भएकोमा आभारी छौं भन्नु भएछ । आभारी नै हुनुभएको हो त ?

निश्चय नै आभारी छौं । यो सद्भावको पुरस्कार हो । हाम्रो विचारमा मधेसले पहाडलाई दिएको सम्मान हो ।

कसरी छानिनु भयो त, महामूर्ख ?

मिनापवाट हामीले धेरै सहयोग पाएका छौं । हाम्रा धेरै सिरियलहरूमा मिनापका कलाकारहरू हुनुहुन्छ । रञ्जु झा सहिद हुनुभयो । उहाँ पनि मह सञ्चारसँग जोडिनु भएको थियो ।

अर्थात् सद्भाव जोडिएको छ, हामीबीच ।

मलाई लाग्छ, महामूर्ख सम्मेलनमा पहाडका पात्र छानिएको यो नै पहिलो पटक हो । यसकारण पनि गौरव अनुभूति भइरहेको छ ।

‘महामूर्ख’ उपाधि भन्दा त्यति राम्रो सुनिदैन नि, होइन ?

सुन्न जान्नुपर्छ । हाँस्य–ब्यङ्ग्यमा रमाइलोका लागि उल्टो अर्थ लगाएर पनि बुझिन्छ ।

जसरी गाईजात्रामा हाँस्य–ब्यङ्ग्य हुन्छ, त्यसैगरी होलीमा पनि हुन्छ । उहाँहरूले दिएको प्रमाण–पत्रमा गौरवका कुरा उल्लेख गर्नु भएको छ । देशमा भएका प्रजातान्त्रिक आन्दोलनमा आवाज उठाएर मूख्र्याई गर्नुभयो भनिएको छ । समाजसेवा गरेर मूर्ख काम गर्नुभयो भनिएको छ । राष्ट्र जोड्ने काम गरेर मूख्र्याई गर्नुभयो भन्ने उल्लेख छ । यसको मतलव सम्मान हो भनेर बुझ्नुपर्छ । हामीले पनि त्यही बुझ्यौं ।

यो उपाधि कहिलेसम्मको लागि हो ?

फुटबलमा मात्र रनिङ शिल्ड पचाउन बर्षैपिच्छे जित्नुपर्छ । तर, यो सम्मान त्यस्तो होइन, जिन्दगी भरिका लागि हो । दुई नं प्रदेश, समग्रमा मधेसको सम्मान हो, ‘महामूर्ख’ ।



Leave a Reply

Your email address will not be published.

सम्बन्धित खबरहरु

शारीरिक रूपमा हामी स्वस्थ हुन धेरै किसिमका शारीरिक कसरत गर्छौ भने शरीरलाई हुने किसिमले धेरै किसिमका खानेकुराहरू खाने पनि गर्छौ

धेरैजस्तो मानिसहरू आफ्नो घरमा रङको छनोट गर्दा सेतो, सादा तथा हल्का रङ छान्ने गरेका छन् । सोही रङ भित्री कोठाहरूमा

तपाईँले आजसम्म धेरै पानीका स्रोतहरूको बारेमा सुन्नु भएको होला। धेरै पानी स्रोतहरूको आफ्नै कथा छ। कुनै जल कुण्ड आफ्नो श्रापको

शरीरमा स्ट्रेच मार्कहरू हुनु एकदमै स्वाभाविक हो र यसमा लाज मान्नु पर्ने केही छैन। कहिलेकाहीँ केही विशेष अवसरहरूमा हामी तिनीहरूलाई

Suggested