चर्को मूल्यले उपभोक्ताको ढाड सेकिँदै, सरकार रमिते



तिहार लगत्तैदेखि बढ्न थालेको तेलको मूल्य बढ्ने क्रम अझै रोकिएको छैन ।

सरकारको फितलो अनुगमनका कारण उद्योगी तथा व्यवसायीले तेलको मूल्य पटक पटक बढाइरहेका छन् । व्यवसायीले कच्चा पदार्थको मूल्य बढेको भन्दै पटक-पटक तेलको मूल्य बढाएको दाबी गर्दै आएका छन् । भान्छामा तेल अनिवार्य भएकाले जति मूल्य बढेपनि उपभोक्ता किन्न बाध्य छन् ।

उपभोक्तालाई न कच्चा पदार्थको मूल्य बढेको जानकारी हुन्छ, नत लागत कति पर्छ भन्ने नै । त्यसैको फाइदा उठाउँदै उद्योगी व्यवसायीले पटक पटक खाने तेलको मूल्य बढाउने गरेका छन् । यसअघि मूल्य बढ्दा दुई उद्योगलाई कारवाही गरे जस्तो गरेर झारा टारेको सरकारले प्रभावकारी रुपमा बजार अनुगमन नगर्दा उद्योग व्यवसायीले चर्काे मूल्य बढाएका छन् । जसको भार उपभोक्ताले उठाउँदै आएका छन् ।

सरकारले केही समय अघि मात्रै कारवाही गरेको घटना सेलाउन नपाउँदै व्यवसायीहरुले पुनः चर्काे मूल्य बढाउनुलाई उपभोक्ताले कालो बजारी भन्न थालेका छन् ।

तिहारपछि तेलको भाउ बढेपछि सरकारलाई चर्काे दबाव भएपछि दुई कम्पनीलाई कारवाही गरेपछि केही समय स्थिर भएको तेलको भाउ फेरी बढ्न थालेपछि उपभोक्ता थप मारमा परेका हुन् । सरकारले केही समय अघि मात्रै कारवाही गरेको घटना सेलाउन नपाउँदै व्यवसायीहरुले पुनः चर्काे मूल्य बढाउनुलाई उपभोक्ताले कालो बजारी भन्न थालेका छन् ।

दुई साताअघि भटमासको तेलको मूल्य प्रतिलिटर २ सय ५ रुपैयाँ थियो । अहिले १५ रुपैँया बढेर २ सय २० रुपैयाँ पुगेको छ । त्यस्तै, प्रतिलिटर २ सय १० रुपैयाँ रहेको सूर्यमुखी तेलको मूल्य २५ रुपैँयाले बढेर २ सय ३५ रुपैयाँ पुगेको छ । यस्तै,तोरीको (धारा)तेल प्रतिलिटर २ सय ६० रुपैयाँ मूल्य थियो । अहिले ५० रुपैँया बढेर ३ सय १० पुगेको छ ।

सरकाले मूल्यवृद्धिबारे चासो राखेपछि पुरानै मूल्य कामय गर्ने बाचा गरेका उद्योगी व्यवसायीले फेरि मूल्य बढाएर उपभोक्तालाई थप मारमा पारेका छन् ।

गत पाँच महिना अघि भट्मासको प्रतिलिटर १ सय ७० र धारा तेल २ सय ६० रुपैयाँ मूल्य थियो । त्यस्तै,सूर्यमुखी तेल प्रतिलिटर १ सय ८५ रुपैँया थियो । गत माघमा मूल्य बढेर भटमासको तेलको मूल्य २१० रुपैँया र सूर्यमुखी तेलको मूल्य प्रतिलिटर २२० रुपैँया पुगेको थियो । कच्चा पदार्थको मूल्य बढ्नुका साथै उत्पादन लागत बढी परेको भन्दै व्यवसायीले फेरी तमेलको मूल्य बढाएका हुन् ।

अन्तर्राष्ट्रिय बजारमा कच्चा पदार्थको मूल्य बढेका कारण तेलको मूल्य बढाउनु परेको व्यवसायीको भनाई छ । सरकाले मूल्यवृद्धिबारे चासो राखेपछि पुरानै मूल्य कामय गर्ने बाचा गरेका उद्योगी व्यवसायीले फेरि मूल्य बढाएर उपभोक्तालाई थप मारमा पारेका छन् ।

यसो भन्छ वाणिज्य विभाग

अन्तर्राष्ट्रिय बजारमा कच्चा पदार्थ महँगो भएकाले लागत बढेको व्यवसायीले बताउने गरेको उद्योग आपूर्ति तथा वाणिज्य विभागका प्रवक्ता शिवराज सेढाइँले बताए । ‘अन्तर्राष्ट्रिय बजारमा कच्चा पदार्थको मूल्य बढेको हो कि होइन भनेर कागजात माग गरेका छौं । ’ प्रवक्ता सेढाँइले भने । उनले यसरी पटक पटक अस्वभाविक रुपमा मूल्य बढेपछि सरकारको चासो बढेको बताए । तर, सरकारले तेलको मूल्यवृद्धिमा कहाँ र कसरी चासो देखायो वा देखाइरहेको छ भन्ने कसैले बुझेका छैनन् ।



प्रतिक्रिया दिनुहोस !
सम्बन्धित खबरहरु

बर्खा सीजन सुरु भएको छ । यस सीजनमा झाडापखाला, फूड पोइजन जस्ता रोग खानापानको असन्तुलनलेका कारणले देखापर्छ । बर्खामा हुने

दोस्रो लहरको कोरोना महामारीमा फ्रन्टलाइनमा रहेर सेवा दिइरहेकाहरु उच्च जोखिममा छन् । विषम परिस्थितिमा सेवामा खटिरहेका पेट्रोलियम व्यवसायी पनि त्यसैमध्येमा

आज विश्व रक्तदाता दिवस, नेपालमा पनि रक्तदान लगायतका विभिन्न कार्यक्रम गरी मनाइएको छ । यस वर्ष सेवाले रक्तदान गरौँ र

गृह मन्त्रालयका अनुसार ७७ मध्ये ७५ जिल्लामा एक महिना भन्दा बढी कोरोना भाइरस लक्षित निषेधाज्ञा छ । तर, पूर्वको खोटाङ