English

मन मिल्ने साथीसँग घुम्दा रमाइलो हुन्छ



अभिनेत्री वर्षा शिवाकोटीको घुमघाममा निकै रुचि छ । फुर्सद हुने बित्तिकै उनले देश तथा विदेशका घुमघाम योजना बनाइहाल्छिन् । भर्खरै दुबईको घुमघाम सकेर फर्किएकी शिवाकोटीले १८ वटा देश घुमिसकेकी छिन् । नेपालमा पनि उनी पुग्न थोरैमात्र ठाउँ बाँकी छन् । तिनै घुमन्ते अभिनेत्रीसँग मेरोलाइफस्टाइलले गरेको घुमघाम वार्ता:

अहिलेसम्म कति ठाउँ घुम्नु भयो ?

नेपालका अधिकांश ठाउँ पुगिसकेकी छु । नेपालबाहिर १८ वटा देश घुमिसकेँ ।

तपाईंको घुमघाम गन्तव्य कहाँ–कहाँ हुन् ?

मेरो घुमघामका गन्तव्यहरू विशेषगरी नपुगेका ठाउँहरू हुन्छन् । तर, गइरहन मन लाग्ने ठाउँ चाहिँ धरान हो ।

घुमघामका लागि कसरी समय मिलाउनुहुन्छ ?

फुर्सद हुने बित्तिकै मेरो घुमघाम योजना बनिहाल्छ ।

अहिलेसम्मको अविस्मरणीय घुमघाम कहाँको हो ?

पहिलोपटक मुस्ताङ गएर फर्किने बेलामा गाडी दुर्घटना भएको थियो । त्यसपछि मुस्ताङ कहिल्यै जान्न भनेर फर्किएकी थिएँ । तर, वर्षमा २ पटक जानु परेको छ ।

घुमघामको योजना कसरी बनाउनु हुन्छ ?

मेरो फुर्सद भएपछि घुम्न जान मन लाग्यो भने नजिकका मान्छेसँग सल्लाह गर्छु । आफूलाई जो कन्फर्टेबल हुन्छ, उसैसँग जान्छु । तर, धेरैजसो परिवारसँग घुम्न जान्छु ।

घुमघाम गर्दा के–के बोक्नुहुन्छ ?

म घुम्न निस्कँदा एक सेट घर नै बोक्नुपर्छ । मलाई घरमा जे–जे चाहिन्छ, त्यसको मिनी भर्सन बोक्नुपर्छ ।

अरुलाई घुम्न जान कुन–कुन ठाउँ सिफारिस गर्नुहुन्छ ?

मनाङ, मुस्ताङ, हेटौंडा, बन्दीपुर, पोखरा जत्तिको रमाइलो त कहाँ होला र ।

घुमघामलाई रमाइलो कसरी बनाउन सकिन्छ ?

घुम्न जाने साथी को छ, त्यसमा भर पर्छ । जे कुरामा पनि कम्प्लेन गर्ने साथी भयो भने बोरिङ हुन्छ । त्यसैले मन मिल्ने सबै कुरालाई सामान्य रूपमा लिने साथी भयो भने जस्तोसुकै ठाउँमा पुग्दा पनि रमाइलो हुन्छ ।

घुम्न मन लागेको तर जान नसकेको ठाउँ कुन–कुन हुन् ?

रारा ताल, सोलुखुम्बुको नाम्चे बजार, लमजुङको बेसीसहर जाने ठूलो इच्छा छ तर जान सकेको छैन ।

नेपालमा घुमघामलाई प्रवर्द्धन गर्न के–के गर्नुपर्ला ?

पहिलो कुरा त सडकलाई नै सुधार्न जरुरी छ । नेपालमा घुम्नलायक ठाउँहरू धेरै छन् । तर, सडक अभावमा ती ठाउँमा धेरै मानिस पुग्न सकिरहेको छैनन् । त्यसैले सडक सुधार गरी नेपालका पर्यटकीय स्थल चिनाउने हो भने यहाँ घुमघामलाई प्रवर्द्धन गर्न कुनै गाह्रो नपर्ला ।



Leave a Reply

Your email address will not be published. Required fields are marked *

सम्बन्धित खबरहरु

लगभग ६ दशकदेखि बालअधिकारको लागि ‘राष्ट्रिय बाल दिवस’ मनाइदै आए पनि बालबालिकाहरुको अवस्थामा कुनै सुधार देखिएको छैन । यस क्षेत्रमा

सहरका स्थानीय रैथाने चिनियाँ नयाँ वर्षको उमंगमा उर्लिरहेका बेला गत आइतबार हङकङेली नेपालीहरूको लामै लर्को भने युङ लङ थिएटरतर्फ सोझिएको

वि विल राइज फाउन्डेसनका संस्थापक अध्यक्ष एवं तेक्वान्दो ग्रान्ड मास्टर तुलसीकुमार गुरुङले पोखरा अन्तर्राष्ट्रिय म्याराथनका लागि नगद ५ लाख सहयोग

काठमाडौंका धीरज बस्नेत र आर्थिक बस्नेत पुरुष समलिङ्गी जोडी हुन् । उनीहरूले ६ महिनाअघि विवाह गरे । करिब डेढ वर्षको