English

वायू प्रदुषण बढेसँगै घरभित्रै बस्न अपिल



काठमाडौं उपत्यकाको वायू प्रदुषण उच्च विन्दुमा पुगेको भन्दै स्वास्थ्य तथा जनसंख्या मन्त्रालयले नागरिकलाई घरभित्रै बस्न अनुरोध गरेको छ ।
अहिले देखिएको उपत्यका भित्रको प्रदुषणले श्वासप्रश्वास लगायतका विभिन्न स्वास्थ्य समस्या उत्पन्न गर्ने प्रवल सम्भावना देखिएपछि मन्त्रालयले घरभित्रै बस्न भनेको हो ।

अहिले घरबाहिर खुला स्थानमा नबस्न, नखेल्न, मर्निङवाकमा नजान र घर बाहिर गएर शारीरिक व्यायाम नगर्न समेत मन्त्रालयले अनुरोध गरेको छ । यसैगरी फोहोरहरूको उचित व्यवस्थापन गरी त्यसलाई नजलाउन समेत भनेको छ ।

यदि घरबाहिर निस्किनु परेको अवस्थामा अनिवार्य मास्कको प्रयोग गर्न र कोभिड–१९ रोकथामका लागि तोकिएका मापदण्ड पालना गर्न मन्त्रालयका सह–प्रवक्ता डा. समिरकुमार अधिकारीले विज्ञप्तिमार्फत अपिल गरेका छन् ।

मौसम विज्ञान विभागका वरिष्ठ मौसमविद् राजु प्रधानाङ्गका अनुसार नेपाल र भारतका विभिन्न स्थानमा लागेको डढेलोको कारण वायूमण्डलमा प्रदुषण देखिएको हो । उनका अनुसार उपत्यकाको प्रदुषण अझै बढ्नुमा छिमेकी जिल्ला मकवानपुर, चितवन र पर्सा लगायतका केही जिल्लामा डढेलो लागेकोले पनि हो ।

मौसम विज्ञान विभागले पनि अझै केही दिन बर्षा हुने सम्भावना नरहेकाले वायू प्रदुषण यथावत रहने जनाएको छ । मौसममा आएको खराबीसँगै आन्तरिक तथा बाह्य उडान पनि प्रभावित बनेको छ ।



Leave a Reply

Your email address will not be published. Required fields are marked *

सम्बन्धित खबरहरु

ग्लोबल आइएमई बैंकको क्रेडिट कार्ड बाहकले ६ हजार रुपैयाँमै विदेश भ्रमण गर्न पाउने भएका छन् । ग्लोबल आइएमई बैंक लिमिटेडले

मानिसहरू यो सोच्छन् कि नयाँ वर्षलाई स्वागत गर्नको लागि उनीहरूले केही मूर्खतापूर्ण कामहरू गर्नुपर्छ- मदिरा पिउनु, मुर्ख्याइँ गरेर सवारी हाँक्नु,

राइज मिडियाका प्रमोटर सुनिल गुरुङलाई पितृशोक परेको छ । उनका बुबा पोखरेली समाजसेवी बिल बहादुर गुरुङको उपचारकै क्रममा मंगलबार राती

उत्तरमा चुरेपहाड, दक्षिणमा तराईको समथर फाँट । पूर्वमा बबई नदी पश्चिममा बग्ने सङ्लो कर्णालीको चिसो पानी । र बीचमा हरियाली