रुघाखोकी लाग्नै नदिन यसो गरौँ !



डा. जितेन्द्र श्रेष्ठ, आयुर्वेदिक चिकित्सक

मौसम परिर्वतन हुने बित्तिकै धेरैलाई रुघाखोकीको समस्याले सताउने गर्छ । यस्ता मौसमी समस्याले कतिपय अवस्थामा एक जना मात्र नभई पुरा परिवारलाई पनि सताउने गर्छ । यो सामान्य रोग भए पनि यसले मानिसहरुलाई एकदमै सताउने गर्छ ।

कतिपय अवस्था औषधीको सेवन गर्दा पनि यी समस्याबाट छुट्कारा पाउन सकिदैँन । त्यसैले रुघाखोकी लाग्नै नदिनको लागि केहि घरेलु उपायहरु अपनाउन सकिन्छ ।

प्रसस्त मात्रामा झोलीलो पदार्थको सेवन
रुघाखोकी लाग्न नदिनको लागि प्रशस्त मात्रामा तरल पदार्थको सेवन गर्नुपर्छ । धेरै पानी पिउनु भनेको औषधी बराबर हो । पानी र अन्य तरल पदार्थको सेवनले शरिरबाट संक्रमणको बाहिर निकालेर कफसँगैको खोकीबाट राहत मिल्छ ।

तातो सुप, दाल तथा गेडागुडीको झोल र तातो पानी प्रशस्त मात्रामा सेवन गर्नु पर्छ । जाडो मौसममा प्रशस्त मात्रामा भलीलो पदार्थको सेवन गर्नाले शरिरमा लामो समयसम्म हाइड्रेट रहनुका साथ साथै कफ नरम बनाउँछ र निस्कन सजिलो हुन्छ ।

सुत्नु भन्दा अघि नुन पानीले गार्गल
कफसँगैको खोकीको लागि नुन र पानीको सेवन लाभदायक हुन्छ । दैनिक नियमित तरिकाले मनतातो नुन पानीले गार्गल गर्नाले कफ सबै निस्कन्छ । खोकी लाग्दा मनतातो पानीमा थोरै नुन मिलाएर दैनिक गार्गल गर्नाले खोकी लाग्ने तथा कफ जम्ने समस्या हुन पाउँदैन ।

हप्तामा दुई देखि तिन पटक बाफ लिने
हप्तामा दुई देखि तिन पटक तातो पानीको बाफ लिनाले स्वास प्रस्वासमा सजिलो हुन्छ । यसरी बाफ लिँदा नाकमा वास्ना आई सुँघ्न आनन्द आउने र बाफले नाक खुलेर सास लिन सजिलो हुन्छ । घाँटी दुखेको र अलि–अलि छाती दुखेको पनि निको हुन्छ ।

घरेलु औषधी
तुलसीको पात ३ गिलास पानीमा उमालेर १ गिलास भएपछि निकाली त्यो पानी पिउनाले धेरै फाइदा गर्छ । तुलसीको पात घरैमा पाइन्छ । घाँटी दुखेको बेला मनतातो पानीमा मह र कागती मिसाएर पिउनाले धेरै फाइदा हुन्छ । कागतीले भिटामिन सी दिन्छ । महले केही मात्रामा क्यालोरी दिन्छ र घाँटीको दुखाइ पनि केही कम गर्छ । यसमा अदुवाको टुक्रा पनि हाल्न सकिन्छ ।

यो पनि…
जाडोमा जोर्नी दुखाइबाट यसरी बचौँ

जाडोमा उच्च रक्तचापका बिरामीले ध्यान दिनुपर्ने कुराहरू



Leave a Reply

Your email address will not be published. Required fields are marked *

सम्बन्धित खबरहरु

बिहीबार (१३ माघ) तनहुँका ३९ जनालाई कोरोना संक्रमण पुष्टि भएको छ। ८७ जनाको परीक्षण गरिएकोमा ४४.८२ प्रतिशतलाई कोरोना पुष्टि भएको

काठमाडौंबाट निस्केर बाहिर जाने हो भने इँटा भट्टाहरू प्रशस्तै भेटिन्छन् । यिनै भट्टामा राजधानी वरपरका गाउँहरूबाट हिउँदमा काम गर्न श्रमिकहरू

नेपालमा बिहीबारसम्म कोरोनाभाइरसविरुद्धको तीन करोडभन्दा बढी डोज खोप लगाइएको छ । स्वास्थ्य तथा जनसंख्या मन्त्रालयले बिहीबार अपराह्र दिएको जानकारीअनुसार तीन

रुपन्देहीको भैरहवामा निर्माण सम्पन्न भएको गौतम बुद्ध अन्तर्राष्ट्रिय विमानस्थल सञ्चालनको लागि तयारी अवस्थामा छ । भौतिक निर्माणको काम सम्पन्न भई क्यालिब्रेसनका

Suggested