प्रकाशमान सिंह : सभापतिको दौडधुपसँगै ससुरा पनि बन्ने सुरसार



शुक्रवार नेपाली कांग्रेस आफ्नो १४ औं महाधिवेशनको उद्घाटनमा मग्न थियो । यो महाधिवेशनले कांग्रेसको नयाँ नेतृत्व छान्दै छ । यही नयाँ नेतृत्वका लागि अहिले कांग्रेसभित्र रस्साकस्सी चल्दै छ । महाधिवेशनको यो चटारोमा अहिले सबैभन्दा कोही यदि ब्यस्त छ भने ती हुन्, प्रकाशमान सिंह

कांग्रेसका सर्वमान्य नेता तथा लौह पुरुष गणेशमान सिंह र नेतृ मंगलादेवी सिंहका छोरा प्रकाशमानले सभापतिमा उम्मेदवारी दिएका छन् ।

कांग्रेसभित्र पार्टी सभापति शेरबहादुर देउवाको विकल्प खोज्नुपर्ने माग चल्दै आएको हो । संस्थापन इतर पक्षबाट रामचन्द्र पौडेलदेखि शेखर कोइराला, प्रकाशमान, शंशाक कोइराला, विमलेन्द्र नीधि लगायतले सभापतिमा आफ्नो दावी गरिरहेका छन् ।

संस्थापन इतरबाट सभापति पदका लागि एउटै नेता छान्ने भन्दै प्रकाशमान निवास चाक्सीबारीमा दर्जनौ पटक बैठक पनि बस्यो । यसले पनि प्रकाशमानको ब्यस्तता बढायो ।

कांग्रेसको १४ औं महाधिवेशन प्रारम्भ भएको शुक्रवार साँझ कुपण्डोलस्थित हिमालय होटलमा प्रकाशमान र सिर्जना सिंहका कान्छा छोरा अर्थात गणेशमान र मंगलादेवीका नाती भाष्करमान आफ्नो प्रेमिकासँग ‘इन्गेजमेन्ट’ गरिरहेका थिए ।

प्रकाश राणाकी छोरी आकृर्तिसंग भाष्करले इन्गेजमेन्ट गर्दा होटलमा पारिवारिक सदस्य र नजिकका साथीहरुको उपस्थिति थियो ।

सभापतिका दावेदार प्रकाशमान र उनकी श्रीमती सिर्जनाले चुनावी रन्कोबाट केही फुर्सद निकालेर छोरा र उनले रोजेकी प्रेमिकालाई ‘इन्गेजमेन्ट’ को आशिर्वाद दिइरहेका थिए ।

कान्छा छोरा भाष्करमानले पनि अन्तरजातिय विवाह गर्नका लागि आकृर्तिसंग इन्गेजमेन्ट गरे । काठमाडौंको नेवार परिवारमा अन्तरजातिय घुलनको यो गजबको उदाहरण हो ।


गणेशमान र उनको परिवार अनि चाक्सीबारीको त्यो राणाकालीन घर अहिले पनि धेरैको स्मृर्तिमा लोकतन्त्रको ब्राण्डको रुपमा स्थापित छ ।

प्रकाशमानका जेठा छोरा प्रभाशमानले होटल सांग्रीलाका मालिक प्रसिद्धबहादुर पाण्डेकी छोरी नीकितासँग प्रेम विवाह गरेका थिए ।

कान्छा छोरा भाष्करमानले पनि अन्तरजातिय विवाह गर्नका लागि आकृर्तिसंग इन्गेजमेन्ट गरे । काठमाडौंको नेवार परिवारमा अन्तरजातिय घुलनको यो गजबको उदाहरण हो ।

रमाइलो के छ भने प्रकाशमानकी श्रीमती सिर्जना र जेठा छोरा प्रभाशमानसमेत यसपटकको महाधिवेशनमा महाधिवेशन प्रतिनिधि छन् । प्रकाशमान त सभापतिको दावेदार भइहाले ।

तर यति राजनीतिक ब्यस्तताका बीच पनि कान्छो छोरोको प्रेमलाई प्रकाशमान परिवारले साकार तुल्याए ।

तस्बिरहरु : विकास रौनियार

यो पनि…
शेखरको ब्याक हुने संकेत: अब रामचन्द्र र प्रकाशमान बिच टकराब
प्रकाशमान र गगनकाे साथ पाएका बानियाँ फेरि कांग्रेस काठमाडौं सभापतिमा निर्वाचित



...
बढ्यो सुनको मूल्य « Mero LifeStyle

[…] […]

...
फ्यालिएका बोराबाट चित्ताकर्षक झोला (भिडियो सहित) « Mero LifeStyle

[…] […]

Leave a Reply

Your email address will not be published. Required fields are marked *

सम्बन्धित खबरहरु

काठमाडौं । कोभिड-१९ को नयाँ भेरियन्ट ओमिक्रोनसहितको संक्रमण बढ्दै गएपछि आज माघ ५ गतेदेखि लागू हुनेगरी धार्मिक कार्यक्रम पनि संकुचन

कोरोना भाइरसको बढ्दो प्रकोपको बीचमा यसबारे भएरहेको अनुसन्धान बहस (कोरोना सम्बम्धित अध्ययनमा नयाँ–नयाँ जानकारी बाहिर आएको छ । यो खतरनाक

कोरोनाको तेस्रो लहरले फेरि संक्रमितको संख्या उकालो लाग्ने क्रम बढ्दो छ । पछिल्लो एक हप्ताको तथ्यांक हेर्दा संक्रमितको संख्या दोब्बर

काठमाडौँ विश्वविद्यालय स्कुल अफ म्यानेजमेन्ट (कुसोम) ले ‘मास्टर्स इन बिजनेश एण्ड इकोनोमिक्स’ कोर्सको अध्यापन गर्ने भएको छ । अर्थशास्त्रमा खोज

Suggested