कांग्रेस १४ औं महाधिवेशन– जाडो याम तातो राजनीति (फोटो फिचर)
मंसिर अन्तिम साता काठमाडौंको मौसम निकै चिसो छ । तर यही जाडो याममा नेपाली कांग्रेस आफ्नो १४ औं महाधिवेशनमा ब्यस्त छ । शुक्रवारदेखि प्रारम्भ भएको महाधिवेशनको दोस्रो दिन आज शनिवार उम्मेदवार नामाकंन दर्ता र चुनावी चहल पहलले देशभरबाट अहिले काठमाडौंमा जम्मा भएको कांग्रेस पंक्तिलाई सक्रिय तुल्याएको छ ।
शुक्रवारदेखि नै काठमाडौंको भृकृटी मण्डप,पुतली सडक,गौशाला,ठमेल,रामशाह पथ लगायतका क्षेत्रहरुमा कांग्रेस कार्यकर्ता,नेताहरुको ब्यस्तता निकै देखिन्थ्यो । काठमाडौंको वातावरण चिसो भए पनि कांग्रेस महाधिवेशनले राजनीतिक माहोल तातो बनाएको छ । कांग्रेसले आफ्नो नयाँ नेतृत्व कस्तो छान्ने छ ? अहिले धेरैको कौतुहल यही छ । शुक्रबार र शनिबार फोटो पत्रकार बिकास रौनियारले संकलन गरेका केही तस्बिरहरु I
