काँग्रेस महाधिवेशनमा २ हजार सुरक्षाकर्मीको विशेष सुरक्षा
यतिबेला नेपाली कांग्रेस १४ औं महाधिवेशनको संघारमा छ । देशभरका नेता तथा कार्यकर्ता काठमाडौं ओर्लने क्रम सुरु भइसकेको छ ।
२४ मंसिरबाट सुरु हुने महाधिवेशनका लागि सुरक्षादस्ता पनि खडा गरिएको छ । त्यसो त दुई हजारको हाराहारीमा सुरक्षाकर्मी परिचालन गरिने भएको छ ।
काठमाडौँको भृकुटीमण्डपमा मंसिर २७ गतेसम्म चल्ने महाधिवेशनको सुरक्षाको जिम्मा महानगरीय प्रहरी परिसर काठमाडौँलाई दिइएको छ ।
परिसरले महाधिवेशनका लागि विशेष सुरक्षा योजना बनाइरहेको छ । साथै, महेन्द्र पुलिस क्लब, महानगरीय प्रहरी सहायता कार्यालय र अन्य विभिन्न गणबाट ठूलो सङ्ख्यामा सुरक्षाकर्मी थप गरिएको छ ।
त्यसैगरी महानगरीय ट्राफिक महाशाखाको जिम्मा भने सवारी पार्किङ तथा ट्राफिक व्यवस्थापनको जिम्मेवारी आएको छ ।
यो पनि पढ्नुहोस्
कांग्रेसले कस्तो छान्यो ? ‘हाम्रो कि राम्रो ?’
प्रकाशमान र गगनकाे साथ पाएका बानियाँ फेरि कांग्रेस काठमाडौं सभापतिमा निर्वाचित
